ق ر ءىىم استانانىڭ تۇرعىندارى مەن قوناقتارىنان ەكسپو-2017 حالىقارالىق كورمەسىنىڭ جابىلۋ راسىمىنە وراي قالادان ۋاقىتشا كەتۋلەرىن سۇرادى، دەپ جازادى Qamshy.kz اقپارات اگەنتتىگى. جابىلۋ راسىمىنە قاتىسامىن دەۋشىلەردى قالاداعى پاترۋلدەۋلەر مەن جولدارداعى توسقاۋىلدار توسىپ تۇر.

بريفينگ بارىسىنداعى قاۋىپسىزدىك شارالارى جونىندە ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى تالعات مۇساقانوۆ حابارلادى.

«ءىس-شارانىڭ جابىلۋى كەزىندە يسلام مەملەكەتتەرىنىڭ ءسامميتى وتەدى. 18 مەملەكەتتىڭ باسشىلارى كەلەدى، 20 مەملەكەتتىڭ باسشىلارىنا قاتىستى ماسەلەلەر شەشىلۋدە. بۇل جاعدايلار قالاعا اۋىر سالماق تۇسىرەدى. ءار مەملەكەت باسشىسىنىڭ جانىندا بولۋىمىز قاجەت. ولار 8 ءقوناقۇي مەن 2 رەزيدەنسياعا ورانالاسادى. ءبىز قاۋىپسىزدىكتى قامتاماسىز ەتۋ ماقساتىندا قۇقىق قورعاۋ ورگاندارىنىڭ بارلىق كۇشتەرى اراسىندا جاتتىعۋلار وتكىزدىك. ءبىراق شىداۋعا تۋرا كەلەدى. 30 مەملەكەت بار، ءارقايسىسىنىڭ جانىندا ءجۇرۋىمىز كەرەك»، – دەدى مۇساقانوۆ.

سونداي-اق كوميتەت ءتوراعاسىنىڭ ورىنباسارى وسى كۇندەرى تۇرعىنداردان جەكە كولىكتەرىن پايدالانباۋدى نەمەسە قالادان مۇلدەم كەتىپ قالۋلارىن سۇرادى.

«ءبىز ازاماتتاردان جەكە كولىكتەرىمەن جۇرمەۋىن سۇرايمىز. ال ەكسپو-نى كورگەندەر بولسا، قالا سىرتىنا كەتىپ قالعاندارىڭىز دۇرىس»، – دەپ قوستادى تالعات مۇساقانوۆ.