تىنىق مۇحيتىنىڭ سۋنامي جايىندا ەسكەرتۋ ورتالىعى مەكسيكا جاعالاۋلارىندا ورىن العان جەر سىلكىنىسىنەن كەيىن سۋنامي بولۋى مۇمكىن ەكەندىگىن ايتادى، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.
ايتا كەتسەك، ماگنيتۋداسى 8-گە جەتكەن قۋاتى كۇشتى جەر سىلكىنىسى ساعات 04:49 شاماسىندا تىركەلگەن بولاتىن. ەپيسەنتر ترەس-پيكوس اۋىلىنان وڭتۇستىك-باتىسقا قاراي 119 شاقىرىمدا ورنالاسقان. ال جەر سىلكىنىسىنىڭ وشاعى 33 شاقىرىم تەرەڭدىكتە ورىن العان.
«جەر سىلكىنىسىنىڭ الدىن-الا پارامەترلەرىن ەسكەرە وتىرىپ، ءقاۋىپتى سۋنامي بولۋى ىقتيمال»، - دەيدى ەسكەرتۋ ورتالىعى.
سەيسمولوگتاردىڭ ايتۋىنشا، مەكسيكا جاعالاۋلارىندا، گۆاتەمالا، سالۆادور، كوستا-ريكا، نيكاراگۋا، پاناما، گوندۋراس جانە ەكۆادوردا قۋاتى كۇشتى سۋنامي بولۋ ءقاۋىپى بار.
