تۇركيانىڭ ستاتيستيكا اگەنتتىگى تامىز ايى مەن جىلدىق ينفلياسيا مولشەرىن جاريالادى. رەسمي اقپاراتقا سايكەس، ەل ىشىندە تۇتىنۋ باعاسىنىڭ يندەكسى 10،68%-ى قۇرادى. بۇل كورسەتكىش الدىن-الا بولجانعان مەجەدەن جوعارى. ونىڭ ىشىندە وتاندىق ونىمدەرگە باعا 16،34%-عا ءوستى دەپ حابارلايدى Qamshy.kz اقپارات اگەنتتىگى News Turk-كە سىلتەمە جاساپ.
كولىك تاسىمالى، تاماق ونىمدەرى مەن الكوگولسىز ىشىمدىك تۇرلەرى، دارى-دارمەك، ويىن-ساۋىق پەن وزگە دە قىزمەت تۇرلەرى كۇرت قىمباتتاعان. بۇل ماسەلەگە بايلانىستى تۇركيانىڭ دامۋ ءمينيسترى ليۋتفي ەلۆان باعانىڭ وسۋىنە ۆاليۋتا باعامىنىڭ تۇراقسىزدىعىنىڭ اسەر ەتكەنىن العا تارتىپ، قىركۇيەك ايىنان باستاپ ىشكى نارىقتاعى احۋال رەتتەلەتىنىنە ۋادە بەردى.
