ورتالىق كوممۋنيكاسيالار قىزمەتىندە وقىتۋ پروسەسىنە ەنگىزىلگەن جاڭارتىلعان مازمۇنداعى وقۋلىقتار ساپاسىنا ارنالعان  باسپا ءسوز كونفەرەنسياسى ءوتتى، دەپ حابارلايدى Qamshy.kz اقپارات اگەنتتىگى ورتالىق كوممۋنيكاسيالار قىزمەتىنە سىلتەمە جاساپ.

باسپا ءسوز كونفەرەنسياسىنا «وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى بەيبىتكۇل كارىموۆا، «مەكتەپ» باسپاسىنىڭ باس ديرەكتورى ەرلان ساتىبالدييەۆ، «ورىس ءتىلى» ءپانى وقۋلىقتارىنىڭ اۆتورلارى زينايدا سابيتوۆا  جانە وكسانا وپريا، سونىمەن قاتار ورىس ءتىلى وقۋلىعىنىڭ ساراپشىسى تامارا حومەنكو قاتىستى.

«وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى بەيبىتكۇل كارىموۆانىڭ ايتۋىنشا زاماناۋي الەم پوليمادەنيەتتى بولعاندىقتان، وندا اقپارات پەن تەحنولوگيا ۇنەمى جاڭارىپ، ءبىلىم تەز ەسكىرەدى. وسىنداي جاعدايدا ءبىلىم بەرۋ جۇيەسى دايىن جانە ستاندارتتى ەرەجەلەردى جاتتاتۋعا ەمەس، وقۋشىلاردىڭ فۋنكسيونالدىلىعىن دامىتاتىن، ولاردىڭ وزىندىك ىزدەنۋ، تالداۋ، ينتەرپرەتاسيالاۋ جانە ءتيىمدى قولدانۋ داعدىلارىن قالىپتاستىراتىن، پراكتيكاعا باعىتتالعان، قۇزىرلىلىق پەداگوگيكاعا كوشەدى.  وسىعان بايلانىستى وقۋلىقتىڭ قىزمەتى دە وزگەرەدى. ول وقۋ اقپاراتى كوزىنەن ءبىلىم الۋشىلاردىڭ وزىندىك وقۋ ىس-ارەكەتىن ۇيىمداستىرۋشى ناۆيگاتورعا اينالادى. وقۋ بارىسىندا وقۋلىقتىڭ  جالىقتىرمايتىندىعىن، ونىڭ قىزىقسىز ەمەس ەكەنىنە كوز جەتكىزگەن وقۋشىلار ءۇشىن ونىڭ تارتىمدىلىعى دا ارتا تۇسەدى.

«مەكتەپ» باسپاسىنىڭ باس ديرەكتورى ەرلان ساتىبالدييەۆ جاڭارتىلعان ءبىلىم مازمۇنىنداعى وقۋلىقتاردى ازىرلەۋدىڭ ەرەكشەلىكتەرى تۋرالى ايتتى.

ورىس ءتىلى وقۋلىقتارىنىڭ اۆتورلارى زينايدا سابيتوۆا مەن وكسانا وپريانىڭ سوزدەرى بويىنشا ورىس ءتىلىن وقىتۋدىڭ جاڭا تۇجىرىمداماسىندا باسىمدىق لەكسيكالىق-گرامماتيكالىق ماتەريالدارعا ەمەس، تىلدىك تاقىرىپتار كونتەكسىندە گرامماتيكالىق ماتەريالداردى وقىتۋعا، قازاقستاندىق قوعام ءومىرىنىڭ ءار ءتۇرلى سفەرالارى بويىنشا ماتىندەر ماتەريالدارى نەگىزىندە تىلدىك ىس-ارەكەتتىڭ بارلىق تۇرلەرىن (تىڭداۋ، سويلەۋ،  جازۋ، وقۋ) دامىتۋعا بەرىلەدى. سونىمەن قاتار ولار ب ا ق جانە الەۋمەتتىك جەلىلەردە 5 جانە 7 سىنىپتارعا ارنالعان ورىس ءتىلى وقۋلىقتارىنىڭ مازمۇنى بويىنشا بەرىلگەن ەسكەرتپەلەرگە تولىقتاي تۇسىنىكتەمەلەر بەردى.

ورىس ءتىلى وقۋلىعىنىڭ ساراپشىسى تامارا حومەنكو ساراپشىلاردىڭ وسى وقۋلىقتاردى ءبىلىم بەرۋ ۇيىمدارىندا قولدانۋعا رۇقسات بەرۋ شەشىمدەرىنىڭ سەبەپ-نەگىزدەرى تۋرالى جان-جاقتى تۇسىنىكتەمە بەردى.

2016 جىلدان باستاپ قازاقستاندا جاڭارتىلعان ءبىلىم مازمۇنى كەزەڭ-كەزەڭمەن ەنگىزىلۋدە. اعىمداعى جىلى 2، 5 جانە 7 سىنىپ وقۋشىلارى جاڭارتىلعان ءبىلىم مازمۇنى باعدارلامالارى بويىنشا وقۋعا كوشتى.