قازاقستاننىڭ 4 ازاماتى دومينيكان رەسپۋبليكاسىنداعى قازاقستاننىڭ قۇرمەتتى كونسۋلىمەن بايلانىسقا شىقتى دەپ حابارلايدى Qamshy.kz اقپارات اگەنتتىگى. "ولارعا «يرما» داۋىلىنان توتەنشە جاعداي تۋىندايتىن ساتكە نۇسقاۋلىق بەرىلدى. قازىرگى ۋاقىتتا بۇل ەلدەگى قازاقستاندىقتاردىڭ سانى انىقتالۋ ۇستىندە،-  دەپ جازدى ءوزىنىڭ فەيسبۋكتەگى پاراقشاسىنا ق ر سىرتقى ىستەر مينسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ.

"يرما" داۋىلىنان ميلليوننان استام ادام زارداپ شەككەنى بەلگىلى. قازىرگى ۋاقىتتا داۋىل اقش-تىڭ فلوريدا جاعالاۋىنا قاراي بەت العان. وسى ورايدا، قازاقستاننىڭ اقش، كاناداعى ەلشىلىكتەرى، كۋباداعى كونسۋلدىعى، دومينيكان مەن باگامداعى قۇرمەتتى كونسۋلدارى «يرما» داۋىلىنا بايلانىستى «جەدەل جەلى» اشتى. 

«"يرما" داۋىلىنا بايلانىستى اقش، كاناداعى ەلشىلىكتەرى، كۋباداعى كونسۋلدىعى، دومينيكان مەن باگامداعى قۇرمەتتى كونسۋلدارى «جەدەل جەلى» اشتى جانە قازاقستان ازاماتتارىنا قاجەتتى كومەك كورسەتۋگە دايىن»، - دەدى ءا.جايناقوۆ.

تابيعي اپات ايماعىندا جۇرگەن قازاقستاندىقتار جەرگىلىكتى بيلىكتىڭ نۇسقاۋلىقتارىن ساقتاۋ قاجەت جانە شۇعىل كومەك قاجەت بولعان جاعدايدا مىنا نومىرلەرگە حابارلاسۋلارى قاجەت:

دومينيكان رەسپۋبليكاسىندا: + 1 809 729 79 87 (دومينيكان رەسپۋبليكاسىنداعى قازاقستاننىڭ قۇرمەتىت كونسۋلى).

جەدەل كومەك قىزمەتى - 911؛

كۋبا رەسپۋبليكاسىندا: +535 869 23 69، +537 206 99 63 (كۋباداعى قازاقستان كونسۋلى)، پوليسيا - 106، جەدەل جاردەم - 104، ءورت قىزمەتى - 105؛

باگام ارالدارىندا: +44 7770 300505 (باگامداعى قازاقستاننىڭ قۇرمەتتى كونسۋلى)، جەدەل كومەك قىزمەتى - 911، 919، نەمەسە 112 (ۇيالى تەلەفوندار ءۇشىن)؛

كاناداعى قازاقستان ەلشىلىگىنىڭ كونسۋلدىق ءبولىمى: +1 613 695 80 55 (ىشكى 230، 231) +1 613 413 98 91 +1 613 981 17 13 (وتتاۆاداعى كونسۋل)؛

اقش-تا: +1 202 232 54 88 (ىشكى 121، 127) +1 202 600 56 05 (ۆاشينگتونداعى كونسۋل).