استانا قالاسىنداعى «سارىارقا» ۆەلوترەگىندە قانات يسلام - برەندون كۋك جەكپە-جەگى اياسىنداعى بوكس كەشى جالعاسىپ جاتىر، دەپ جازادى Qamshy.kz.

ەكىنشى بولىپ شارشى الاڭعا كوتەرگەن ديماش نيازوۆ ەدۋاردو پەرەيرا دوس رەيشپەن قولعاپ ءتۇيىستىردى. ولار سالماق ولشەۋ راسىمىندە ايتارلىقتاي ەرەگەسىپ قالعان بولاتىن.

نيۋ-يوركتە تۇراتىن قانداسىمىز ديماش اقش-تا تۇرادى. ول برۋكلين قالاسىندا ۇزدىك پوليسەي اتانعان. 11 جەكپە-جەگىنىڭ بەسەۋىن نوكاۋتپەن اياقتاعان. ديماشتىڭ قارسىلاسى 26 جەكپە-جەك وتكىزىپ، 22ء-سىن جەڭگەن. كەزدەسۋدىڭ العاشقى راۋندى تەڭ اياقتالدى. التى راۋندقا سوزىلعان بوكستا ديماش 2:1 ۇپاي سانىمەن جەڭىسكە جەتتى.

كەشتىڭ العاشقى جەكپە-جەگىن مەيىرىم نۇرسۇلتانوۆ پەن برازيليالىق يسماەل بۋەنو باستاپ، كاسىپقوي رينگتە 3 جەكپە-جەك وتكىزىپ، ەكەۋىن جەڭىسپەن اياقتاعان جەرلەسىمىز العاشقى سەكۋندتاردا-اق، قارسىلاسىن تىقسىرىپ تاستادى.

انونس بەرە كەتسەك، قىركۇيەك ايىندا بۇگىنگى كۇننەن بولەك قازاقستاندىق جانكۇيەرلەردى 16 قىركۇيەكتەگى گولوۆكين مەن الۆارەس اراسىنداعى تاعى ءبىر جەكپە-جەك كۇتىپ تۇر. بۇگىن ەكىنشى رەت اكە اتانعان 35 جاستاعى گولوۆكين الداعى جەكپە-جەگىندە WBC، WBA (Super)، IBF جانە IBO تيتۋلدارىن قورعايدى.

اقش-تىڭ لاس-ۆەگاس قالاسىنداعى 20 مىڭ ورىندىق T-Mobile ارەناسىندا 16 قىركۇيەك كۇنى وتەتىن بوكس كەشىنىڭ باستى وقيعاسى بولماق. جەكپە-جەك استانا ۋاقىتىمەن 17 قىركۇيەك، ياعني جەكسەنبىنىڭ تاڭىندا وتەدى. گولوۆكين – الۆارەس بوكس كەشىن ترانسلياسيالاۋعا قۇقىق العان Qazaqstan مەن QazSport (بۇرىنعى «قازاقستان» جانە KazSport) تەلەارنالارى تىكەلەي ەفيردە كورسەتەدى. سونداي-اق، اتالعان بوكس 130 ەلدە كورسەتىلەدى.