استانا قالاسىنداعى «سارىارقا» ۆەلوترەگىندە قانات يسلام - برەندون كۋك جەكپە-جەگى اياسىنداعى بوكس كەشى جالعاسىپ جاتىر، دەپ جازادى Qamshy.kz.
ءۇشىنشى بولىپ شارشى الاڭعا ايدوس ەربوسىن ۇلى مەن دجوناتان دجەرونيمو بارباديلو شىقتى. الماتىلىق ايدوس 6 جەكپە-جەگىنىڭ بەسەۋىن نوكاۋتپەن تۇسىرگەن. ونىڭ ارگەنتينالىق قارسىلاسى 17 جەكپە-جەك جاساپ، 14 نوكاۋت جاساعان قارسىلاسى الاڭعا شىعا سالا نوكداۋن الدى. ارى قاراي جالعاستىرام دەپ تۇرعان دجوناتان ايدوستىڭ سوققىسىنا شىداماي قايتا قۇلادى.
كەشتىڭ العاشقى جەكپە-جەگىن مەيىرىم نۇرسۇلتانوۆ پەن برازيليالىق يسماەل بۋەنو باستاپ، كاسىپقوي رينگتە 3 جەكپە-جەك وتكىزىپ، ەكەۋىن جەڭىسپەن اياقتاعان جەرلەسىمىز العاشقى سەكۋندتاردا-اق، قارسىلاسىن تىقسىرىپ تاستادى.
ەكىنشى بولىپ شارشى الاڭعا كوتەرگەن ديماش نيازوۆ ەدۋاردو پەرەيرا دوس رەيشپەن قولعاپ ءتۇيىستىرىپ، قارسىلاسىن تورەشىلەردىڭ بەرگەن باعاسى بويىنشا 2:1 ۇپاي سانىمەن جەڭدى.
انونس بەرە كەتسەك، قىركۇيەك ايىندا بۇگىنگى كۇننەن بولەك قازاقستاندىق جانكۇيەرلەردى 16 قىركۇيەكتەگى گولوۆكين مەن الۆارەس اراسىنداعى تاعى ءبىر جەكپە-جەك كۇتىپ تۇر. بۇگىن ەكىنشى رەت اكە اتانعان 35 جاستاعى گولوۆكين الداعى جەكپە-جەگىندە WBC، WBA (Super)، IBF جانە IBO تيتۋلدارىن قورعايدى.
اقش-تىڭ لاس-ۆەگاس قالاسىنداعى 20 مىڭ ورىندىق T-Mobile ارەناسىندا 16 قىركۇيەك كۇنى وتەتىن بوكس كەشىنىڭ باستى وقيعاسى بولماق. جەكپە-جەك استانا ۋاقىتىمەن 17 قىركۇيەك، ياعني جەكسەنبىنىڭ تاڭىندا وتەدى. گولوۆكين – الۆارەس بوكس كەشىن ترانسلياسيالاۋعا قۇقىق العان Qazaqstan مەن QazSport (بۇرىنعى «قازاقستان» جانە KazSport) تەلەارنالارى تىكەلەي ەفيردە كورسەتەدى. سونداي-اق، اتالعان بوكس 130 ەلدە كورسەتىلەدى.
