قازاقستاندىق ارالاس جەكپە-جەك شەبەرى قۋات حاميتوۆ كەشەگى وتكەن جەپە-جەكتە ارمان وسپانوۆتىڭ برازيليالىق تياگو لۋيس بونيفاسيو سيلۆادان جەڭىلىپ قالعانىنا اشۋلى، دەپ جازادى Qamshy.kz اقپارات اگەنتتىگى.
«ەكى اپتا بۇرىن جەرگىلىكتى ۇيىمداستىرۋشىلار ماعان قازاقستاندا ايقاس وتكىزۋدى ۇسىنعان بولاتىن. مەن وعان اسا قىزىقپاپ ەدىم، الايدا برازيليالىقتىڭ بۇگىنگى جەڭىسىنەن كەيىن قىزىعا باستادىم جانە جەرلەسىمىزدىڭ كەگىن قايتارۋدى قالايمىن! جەڭىل سالماقتاعى قىتايدىڭ ۇزدىك ارالاس جەكپە-جەك شەبەرىنىڭ ايقاسىن كورسەتەتىن ۋاقىت جەتتى! ۇيىمداستىرۋشىلار، وسى جەكپە-جەكتى ۇيىمداستىرىڭىزدار!» - دەپ جازدى حاميتوۆ ءوزىنىڭ Instagram پاراقشاسىندا.
ەسكە سالا كەتەتىن بولساق، ارمان وسپانوۆ كەشە الماتىدا وتكەن مما Absolute Championship Berkut 69 جەكپە-جەك كەشىندە برازيليالىق سيلۆادان جەڭىلىپ قالعان ەدى. بۇل ارماننىڭ ءوز مانسابىنداعى العاشقى جەڭىلىسى بولىپ سانالادى.
