ورتا سالماق بويىنشا بوكستان الەم چەمپيونى گەنناديي گولوۆكين ساۋل الۆارەسپەن بولاتىن جەكپە-جەك الدىنداعى مىندەتتى سالماق ولشەۋ ءراسىمىن ءساتتى تۇردە وتكىزدى، دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساپ.

الەمدىك بوكس چەمپيوناتىنىڭ ەرەجەلەرىنە سايكەس، سالماق ولشەۋ ءراسىمى جەكپە-جەككە ءبىر اي جانە ءبىر اپتى قالعاندا وتكىزىلۋى ءتيىس. ماكسيمالدى شكالاسى 168 فۋنت (76،2 كەلى) بولۋى ءتيىس، ال قازاقستاندىق بوكسشىنىڭ سالماعى 164 فۋنتتى (74،6 كەل) كورسەتتى.

ءبىر اي بۇرىن وتكىزىلگەن سالماق ولشەۋ راسىمىندە دە گەنناديي گولوۆكين 170 فۋنت (77،1 كەلى) بولعان.

ايتا كەتەر بولساق، مەكسيكالىق بوكسشى ساۋل الۆارەس مىندەتتى سالماق ولشەۋدەن بوساتىلعان. ول ۇيىمداستىرۋشىلارمەن اراداعى كەلەڭسىزدىكتەن سالدارىنان بۇل تيتۋلعا ۇمىتكەر بولۋدان باس تارتىپتى.

ەستەرىڭىزگە سالا كەتسەك، گولوۆكين-الۆارەس جەكپە-جەگى 16 قىركۇيەكتە لاس-ۆەگاستا وتەدى. 20 مىڭ حالىق سىياتىن T-Mobile ارەناسىندا وتكىزىلەتىن جەكپە-جەكتى كوپشىلىك تاعاتسىزدانا كۇتۋدە.