كحدر ءسىم اقش تاراپىنان بولىپ جاتقان سانكسيالار مەن قىسىمداردى مۇلدەم نەگىزسىز دەپ ايىپتاپ، مۇنى توقتاتپاعان جاعدايدا اقش-قا قارسى بۇرىن سوڭدى كورمەگەن قاتاڭ شارالار قابىلداۋعا دايىن ەكەندىگىن ايتتى، دەپ حابارلايدى Qamshy.kz اقپارات اگەنتتىگى. بۇل جايىندا دۇيسەنبى كۇنى كحدر ورتالىق تەلەگراف اگەنتتىگىنە مالىمدەدى.

«كحدر-نىڭ تاۋەلسىزدىگى مەن تولىق قۇقىعىن شەكتەۋگە باعىتتالعان اقش-تىڭ سانكسيالارى مەن قىسىمدارى تىم شەكتەن شىعىپ بارادى. اقش بۇۇ-نىڭ قاۋىپسىزدىك قىزمەتى كومەگىمەن كحدر-عا قارسى سۋتەگى زاريادىن سىناقتان وتكىزۋ ماسەلەسى بويىنشا ەڭ قاتاڭ سانكسيالاردى دايىنداماق. كحدر-نىڭ سۋتەگى زاريادى كونتينەنتارالىق بالليستيكالىق زىمىراندارمەن جابدىقتالۋى مۇمكىن»، - دەلىنگەن حابارلامادا.

سولتۇستىك كورەيا ءسىم ايتۋىنشا، قۋاتتى تەرمويادرولىق قارۋ اقش تاراپىنان تونەتىن قاۋىپ-قاتەر مەن ءتۇرلى قىسىمدارعا قارسى تۇرۋ ماقساتىندا جاسالعان.

«كحدر اقش-تى قاتاڭ باقىلاۋدا ۇستاپ وتىر. سولتۇستىك كورەيا كەز كەلگەن قاتاڭ شارالاردى قولدانۋعا دايىن. ءوز كەزەگىندە، كحدر قانداي دا ءبىر قادامعا بارىپ، قاتاڭ شارا قولداناتىن بولسا اقش-تى ومىردە كورمەگەن قايعى-قاسىرەتكە دۋشار ەتەدى. ول ىسكە بۇكىل الەم كۋا بولادى»، - دەيدى كحدر ءسىم.

سونىمەن قاتار، ءسىم حابارلاۋىنشا، اقش ءتۇرلى ەسكەرتۋلەرگە ءمان بەرمەي، كحدر-عا قارسى ءوزىنىڭ ساياسي-ەكونوميكالىق سوعىسىن توقتاتپاسا، ولار تولىقتاي جويىلىپ كەتۋ ءقاۋىپىن سەيىلتە ەشقاشان المايدى.