اقمولا گورنيزونىنىڭ اسكەري سوتى 2017 جىلى 24 تامىزدا نارتاي دۇتبايەۆ پەن باسقا ادامدارعا قاتىستى قىلمىستىق ءىس بويىنشا ۇكىم شىعارىلعانىن مالىمدەدى، دەپ حابارلايدى Qamshy.kz اقپارات اگەنتتىگى اسكەري سوتتىڭ باسپا ءسوز قىزمەتىنە سىلتەمە جاساپ.

سوت وتىرىسى جابىق تۇردە ءوتتى.

سوت ۇكىمىنە قاتىستى، نارتاي دۇتبايەۆقا ق ر قك 172 بابى بويىنشا، ءوزىنىڭ قىزمەتىن اسىرا پايدالانىپ، مەملەكەتتىك قۇپيالاردى  جاريا ەتتى دەگەن ايىپ تاعىلىپ، 7 جىل 6 ايعا باس بوستاندىعىنان ايىرۋ جازاسى تاعايىندالىپ، ءومىر بويى مەملەكەتتىك قىزمەتكە تۇرۋ قۇقىعىنان ايىرىلدى. سونىمەن قاتار، نارتاي دۇتبايەۆتى مەملەكەتتىك ناگرادالارى مەن «گەنەرال-لەيتەنانت» اتاعىنان ايىرۋعا ۇكىم شىعارىلدى.

مۇراتوۆ ر. ج. وسى قىلمىستارعا قاتىسى بار دەپ تانىلىپ، 5 جىلعا باس بوستاندىعىنان ايىرۋ جازاسى مەن ءومىر بويى مەملەكەتتىك قىزمەتكە ورنالاسۋ قۇقىعىنان ايىرۋ جازاسى تاعايىندالدى.

حاسەن ن. ب. ءوز قىزمەتىن اسىرا پايدالانىپ، مەملەكەتتىك قۇپيالاردى جاريا ەتتى دەپ ايىپتالىپ، وعان بەس جىلعا باس بوستاندىعىنان ايىرۋ جايلى ۇكىم شىعارىلدى. سونىمەن قاتار، مەملەكەتتىك ناگرادالارى مەن ءومىرىنىڭ سوڭىنا دەيىن مەملەكەتتىك قىزمەتكە ورنالاسۋ قۇقىعىنان ايىرىلدى.

نۇرتايەۆ ە. س. مەملەكەتتىك قۇپيالاردى جاريا ەتۋگە كومەكتەستى دەپ ايىپتالىپ، 3 جىل 6 جىلعا قامالدى جانە دە ول دا ءومىرىنىڭ وڭىنا دەيىن مەملەكەتتىك قىزمەتكە تۇرۋ قۇقىعىنان ايىرىلدى.

ۇكىم ءالى زاڭدى كۇشىنە ەنگەن جوق.

ايتا كەتەر بولساق، نارتاي دۇتبايەۆ نۇرتاي ۇلى، حاسەن نۇرلان بولات ۇلى جانە نۇرتايەۆ ەرلان ءسۇيىمباي ۇلى 2016 جىلدىڭ 26 جەلتوقسانىندا قاماۋعا الىنعان بولاتىن.