عالىمۇرات جۇكەل الماتى وبلىسى اكىمىنىڭ باسپا ءسوز قىزمەتىنىڭ ءباسشىسى-باسپاسوز حاتشىسى بولىپ تاعايىندالدى، - دەپ حابارلايدى Qamshy.kz اقپارات اگەنتتىگى. 

ايتا كەتەتىن بولساق، عالىمۋرات جۋكەل 1987 جىلى 4 جەلتوقاندا مونعوليا حالىق رەسپۋبليكاسىنىڭ استاناسى ۋلانباتور قالاسىندا دۇنيەگە كەلگەن.1991 جىلى اتا-اناسىمەن بىرگە قازاقستانعا قونىس اۋدارعان.

ول 2006 جىلى تالدىقورعان قالاسىنىڭ №1 اباي اتىنداعى مەكتەپ-گيمنازياسىن ءبىتىرىپ، سول جىلى الماتى قالاسىنداعى شەت تىلدەرى جانە ىسكەرلىك كارەرا ۋنيۆەرسيتەتىنىڭ تاريح جانە ءدىنتانۋ فاكۋلتەتىنە قابىلدانىپ،  2010 جىلى ۋنيۆەرسيتەتتى ءدىنتانۋ ماماندىعى بويىنشا تامامداپ، ەڭبەك جولىن باستاعان.

سونىمەن بىرگە ءار جىلدارى «تالدىقورعان»، «جەتىسۋ» گازەتتەرىندە ءتىلشى، ءبولىم باسشىسى قىزمەتتەرىن اتقارىپ، 2014 جىلدىڭ قاڭتارىندا تالدىقورعان قالاسى اكىمىنىڭ باسپا ءسوز حاتشىسى بولىپ تاعايىندالعان.

2016 جىلدىڭ قىركۇيەك ايىنان باستاپ الماتى وبلىسىنىڭ وڭىرلىك كوممۋنيكاسيالارى قىزمەتى باسشىسىنىڭ ورىنباسارى بولىپ قىزمەت اتاقارعان. ۇيلەنگەن، 2 قىزى بار.