«قازگيدرومەت» ورتالىعىنىڭ حابارلاۋىنشا، استانادا بۇگىن تۇندە جانە ەرتەڭ تاڭەرتەڭ قاتتى نايزاعاي جارقىلداپ، بۇرشاق جاۋادى، وڭتۇستىك-شىعىستان سەكۋندىنا 15-20 مەتر ەكپىندى جەل سوعادى، سونىمەن قاتار توپىراق ءۇستى 2 ° دەيىن قاتقاق بولادى. بۇل جايىندا Qamshy.kz اقپارات اگەنتتىگى حابارلايدى.
قالا كوشەلەرىن، جەكە تۇرعىن ءۇي سەكتورلارىن جانە جەراستى وتكەلدەرىن سۋ باسۋى ىقتيمال. سونىمەن قاتار جەلدىڭ قاتتى سوعۋىنان اعاشتار قۇلاۋى مۇمكىن. سول سەبەپتى شاھاردىڭ كوممۋنالدىق قىزمەتى كۇشەيتىلگەن رەجيمدە جۇمىس ىستەيدى دەپ حابارلايدى قالا اكىمدىگىنىڭ رەسمي ينتەرنەت-رەسۋرسى.
استانا باسشىلىعى قالا قوناقتارى مەن تۇرعىندارىن جىلى كيىنىپ، بارىنشا قاۋىپسىزدىك شارالارىن ساقتاۋدى جانە قانداي دا ءبىر توتەنشە جاعداي ورىن السا، 109 ءبىرىڭعاي قالالىق قىزمەتىنە حابارلاۋدى سۇرايدى.
بۇدان بولەك، جولداردا كەپتەلىستەر بولادى دەپ بولجانۋدا. جۇرگىزۋشىلەرگە كولىكتىك كوللاپسقا تاپ بولماۋى ءۇشىن قالا ىشىندەگى ساپارلارىن الدىن الا بولجاعان ابزال.
