سيريانىڭ قارۋلى وپپوزيسيا وكىلدەرى استاناداعى كەلىسسوزدەردىڭ التىنشى راۋندىنا بەلسەندى قاتىسادى دەپ حابارلايدى Qamshy.kz اقپارات اگەنتتىگى ريا نوۆوستيگە سىلتەمە جاساي وتىرىپ.
بۇل تۋرالى قازاقستان ءسىم باسشىسى قايرات ءابدىراحمانوۆ مالىمدەگەن بولاتىن.
«قازاقستاننىڭ كونسۋلدىق مەكەمەلەرىنە سيريالىق قارۋلى وپپوزيسيا وكىلدەرى كىرۋ ۆيزالارىن بەرۋ تۋرالى رەسمي تۇردە سۇرانىس جولدادى. بۇل وتكەن جولعىداي سيريالىق قارۋلى وپپوزيسيا وكىلدەرىنىڭ كەلەسى راۋندقا قاتىساتىنىن بىلدىرەدى»، - دەدى قايرات ءابدىراحمانوۆ. ول يوردانياعا وڭتۇستىك فرونتتىڭ اتىنان جانە باسقا جاعىنان توپتار كەلەتىنىن ايتىپ ءوتتى. ايتۋىنشا، ولار مۇنىڭ الدىنداعى كەلىسسوزدەرگە قاتىسقان جانە ىمىرالاسۋ رەجيمىنە قوسىلعان.
