قازىرگى ۋاقىتتا رەسپۋبليكانىڭ بارلىق ايماقتارىندا ەگىن جيناۋ جۇمىستارى ءجۇرىپ جاتىر دەپ حابارلايدى Qamshy.kz اقپارات اگەنتتىگى. 12 قىركۇيەكتەگى جاعداي بويىنشا 11،6 ملن. گا جينالىپ، 12،6 س/گا ورتاشا ونىمدىلىكپەن14،7 ملن. توننا استىق جينالدى.

نەگىزگى استىقتى وڭىرلەردە جينالعانى:

اقمولا وبلىسىندا – 3،5 ملن. توننا

سولتۇستىك قازاقستان وبلىسىندا –3،3 ملن. توننا

قوستاناي وبلىسىندا –3،8 ملن. توننا.

استىقتىڭ بولجامدى جالپى كولەمى 12،6 س/گا ونىمدىلىكپەن 19،5 ملن. توننانى قۇرايدى. نەگىزگى ءۇش استىقتى ءوڭىر بويىنشا شامامەن 15 ملن. توننا جيناۋ جوسپارلانىپ وتىر.

قازاقستاندىق استىقتىڭ ءداستۇرلى يمپورتتاۋشىلارى ورتا ازيا ەلدەرى (وزبەكستان، تاجىكستان، قىرعىزستان، تۇركمەنستان)، سونداي-اق اۋعانستان، يران جانە ءازىربايجان بولىپ تابىلادى، ولارعا 2016 جىلى ۇندى ەسكەرە وتىرىپ 7،5 ملن. توننا استىق جەتكىزىلدى، بۇل جالپى ەكسپورت كولەمىنىڭ 87% قۇرايدى. سول سياقتى، اعىمداعى جىلى استىق ەكسپورتىنىڭ نەگىزگى كولەمى وسى ەلدەردىڭ ۇلەسىنە تيەتىن بولادى.

بۇدان بەتەر، قازاقستاندىق استىق پەن ونى قايتا وڭدەۋ ونىمدەرىنىڭ بەلگىلى ءبىر كولەمدەرى جۇڭگو نارىعىنا، ەو، سولتۇستىك افريكا جانە تاياۋ شىعىس ەلدەرىنىڭ نارىقتارىنا جەتكىزىلەتىن بولادى.