قازاق ءتىلىنىڭ ءالىپبيىن دايىنداۋدا بىرنەشە نۇسقا قاراستىرىلعان، ءبىراق 25 ارىپتەن تۇراتىن ءالىپبي تاڭدالدى، ەندى ول قوعامنىڭ تالقىلاۋىنا ۇسىنىلادى، دەپ حابارلادى قازاقستاننىڭ ءبىلىم جانە عىلىم ءمينيسترى ەرلان ساعادييەۆ. بۇل تۋرالى Qamshy.kz اقپارات اگەنتتىگى جازادى.

"انىق-قانىعىنا دەيىن تالقىلاۋعا ۋاقىت بار. ساراپشىلار بىرنەشە نۇسقانى قاراستىرىپ، وسىنى تاڭدادى. ماعان 25 ءارىپتى نۇسقا ۇنايدى. ەندى ازاماتتار ءوز پىكىرىن ايتسىن. ناقتى ۇسىنىستار بولسا، ايتىلۋى ءتيىس. سول ءۇشىن ءالىپبي قوعامنىڭ تالقىلاۋىنا بەرىلدى"، — دەيدى ساعادييەۆ. 

ايتا كەتەلىك، دۇيسەنبى كۇنى ماجىلىستە قازاق تىلىنە ارنالعان لاتىن ءالىپبيىڭ ءبىرىڭعاي ستاندارتىن ەنگىزۋ ماسەلەسىنە ارنالعان پارلامەنتتىك تىڭداۋ ءوتتى. 

ۇسىنىلعان جاڭا ءالىپبي 25 ارىپتەن تۇرادى، دەپ حابارلادى ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ.

قازاق ءتىلىنىڭ كەي دىبىستارى ەكى ءارىپتىڭ قوسىندىسى –ديگرافتارمەن بەرىلەتىن بولادى. تىلەشوۆتىڭ ايتۋىنشا، ۇسىنىلعان ءالىپبي قازاق ءتىلىنىڭ بۇكىل دىبىستارىن تاڭباعا تۇسىرە الادى.