امەريكادا كاسىبىن دوڭگەلەتىپ وتىرعان اۋقاتتى ازامات قازاقستاننىڭ باس قالاسىندا تۇرۋدى ارماندايدى، دەپ حابارلايدى Qamshy.kz اقپارات اگەنتتىگى حابار 24 ارناسىنا سىلتەمە جاساپ. 

مانحەتتەندەگى روكفەللەر ورتالىعىنداعى كەڭسە، ساۋلەتتى ءۇي، داۋلەتتى ءومىر. ءبىراق  ديەۆيد ۆالەرا ءۇشىن مۇنىڭ ەشقايسىسى استاناداعى جاعىمدى احۋالدى الماستىرا المايدى.

ول ەكسپو كورمەسى كەزىندە ەلىمىزدە ەكى اي بولىپ، ابدەن باۋىر باسقانعا ۇقسايدى. اقش-قا ورالعانىمەن، قازاق دالاسىن جادىنان شىعارا الار ەمەس. كۇن سايىن استاناعا قايتا بارۋدى ارماندايدى. ءتىپتى قازاقستاننىڭ وركەندەۋىنە قارجى سالۋعا نيەتتى. ونىڭ ىشىندە وتاندىق مەديسينانى دامىتۋعا ارنالعان بىرنەشە جوبانى جۇزەگە اسىرۋ جوسپارى دا بار. وسىلايشا قازاقستاندىقتاردىڭ دەنساۋلىعىن نىعايتۋعا ۇلەسىمدى قوسقىم كەلەدى دەيدى امەريكالىق بيزنەسمەن.

«بۇعان دەيىن استانادا بولعانمىن. ءبىراق وسى جولعى سەزىم مۇلدە بولەك. جاڭا اۋەجاي، ونداعى ءتۇرلى تىلدە سايراعان جاستار. بارلىعى وتە جوعارى دەڭگەيدە. پوليسيا قىزمەتكەرلەرى دە جىلى شىراي تانىتىپ، كومەك بەرۋگە ءاردايىم دايىن ەكەنىن كورسەتتى. ال ەكسپو-عا كەلگەندە قازاقستاننىڭ پاۆلونى ەڭ ۇزدىگى ەدى. شىنىدان جاسالعان شار كورمەنىڭ «بولاشاقتىڭ ەنەرگياسى» دەگەن تاقىرىبىن اشا تۇسكەندەي بولدى. العان اسمەرىمدى بىردەن الەۋمەتتىك جەلىدە جاريالادىم»، - دەيدى امەريكالىق كاسىپكەر ديەۆيد م.ۆالەرا.