بۇگىن گەنناديي گولوۆكين مەن ساۋل الۆارەستىڭ كوماندالارى ريەۆانشتى وتكىزۋ بويىنشا كەلىسسوزدەردى باستاۋدى جوسپارلاپ وتىر، - دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.  اقش-تىڭ 13 ساعاتتىق ۋاقىت ايىرماشىلىعىنا بايلانىستى ءقازىر بەيسەنبى - 21 قىركۇيەك ەكەنىن ەسكە سالامىز.  

«Golden Boy» پروموۋتەرلىك كومپانياسىنىڭ باسشىسى ەريك گومەستىڭ ايتۋى بويىنشا، كەلىسسوزدەرگە ارنالعان العاشقى كەزدەسۋ اقش-تىڭ لوس-انجەلەس قالاسىندا وتەتىن بولادى.

«ەڭ باستىسى، ەكى بوكسشى دا قارىمتا جەكپە-جەكتى، ريەۆانشتى قالاپ وتىر. «مەكسيكانىڭ «سينكو دە مايو» مەيرامىنا ارنالعان دەمالىستار (5 مامىر، سەنبى) ەڭ ىڭعايلى ۋاقىت بولاتىن سەكىلدى. بىزگە اتالعان كۇن ۇناپ تۇر. سەبەبى ول ۇلكەن بوكس كەشىن ۇيىمداستىرۋعا قولايلى بولادى. سونىمەن بىرگە باسقا سپورتتىق شارالارعا دا كەدەرگى جاساپ وتىرعان جوق. سول كەزدە ادەتتەگىدەي كەنتۋككيدەگى ات جارىسى بولادى. ءبىراق ودان باسقا ۋنيۆەرسيەتتەر اراسىنداعى فۋتبول، ۇلتتىق فۋتبول ليگاسىنىڭ ويىندارى دا وتپەيدى. بەيسبول ءساۋىر ايىندا باستالادى. ال باسكەتبول پلەي-وففقا ەندى جاقىنداي باستايدى»، - دەدى گومەس The Ring جۋرنالىنا بەرگەن سۇxباتىندا.

ايتا كەتەتىن بولساق، بۇعان دەيىن GGGء-دىڭ پروموۋتەرى توم لەففلەر دە ارالىق جەكپە-جەكتەرگە قاراعاندا، ساۋل الۆارەسپەن ريەۆانش وتكىزۋگە باسىمدىق بەرىپ جاتقانىن جەتكىزگەن بولاتىن. بۇنى گەنانىڭ ءوزى قالاپ وتىر دەگەن. ءبىراق الۆارەس مامىر ايىندا ريەۆانش وتكىزۋگە كەلىسپەسە، وعان دەيىن بريتاندىق بوكسشىمەن كەزدەسۋى مۇمكىن دەپ تە ايتقان ەدى.