بۇگىن 24-قىركۇيەكتە «Qazaqstan» ۇلتتىق تەلەارناسىنان كورەرمەندەرگە «ۇمىتكەر» جاڭا رەاليتي-شوۋى جول تارتادى.

باعدارلاما جۇرگىزۋشىسى - بەلگىلى قازاقستاندىق كاسىپكەر قۋانىش شونباي. اتالمىش جوبا جاستار اراسىندا قالىپتاسقان تامىر-تانىسسىز جانە قولداۋسىز جەكە، تابىستى كاسىپ اشۋ مۇمكىن ەمەس دەگەن ۇعىمنىڭ قاتە ەكەنىن جەتكىزەدى.

ايتا كەتسەك، «ۇمىتكەر» - وتاندىق تەليەۆيزياداعى بيزنەس سالاسىنا ارنالعان العاشقى اۋقىمدى بىرەگەي جوبا.

وسى جوباعا قاتىسۋ ءۇشىن 10 مىڭنان استام ۇمىتكەر ءوتىنىش ءبىلدىرىپ، ولاردىڭ ىشىنەن تەليەۆيزيالىق كاستينگكە تەك 100 ادام شاقىرتۋ الدى. قاتىسۋشىلاردىڭ ايتۋىنشا، بۇل - ءوز قابىلەتىڭدى سىناۋ ءۇشىن ۇلكەن مۇمكىندىك. سونداي-اق، جوبا جەڭىمپازى قۋانىش شوڭبايدىڭ كومپانيالار جەلىسىنەن جالاقىسى جوعارى توپ-مەنەدجەرلىك قىزمەتكە يە بولىپ قانا قويماي، 5 ميلليون تەڭگە كولەمىندە سىياقى الاتىن بولادى.

جوبا بارىسىندا قۋانىش شونباي كاسىپ اشۋ مەن دامىتۋ جولىندا قانداي تاسىلدەر قولدانۋ كەرەكتىگىن جانە جەكە تاجىريبەسىمەن بولىسەتىن بولادى. باستى ماقسات – بيزنەس الەمىندە جەتىستىككە ۇمتىلعان ازاماتتاردى ىنتالاندىرۋ. ۇمىتكەرلەردى بيزنەc سالاسىنداعى كاسىبي ماماندار، ساراپشىلار مەن كەڭەسشىلەر باعالايتىن بولادى.

كورەرمەندەرگە تەك شوۋ ەمەس، پايدالى اقپارات ۇسىناتىن جاڭا جوبانى بۇگىن 18:05-تە ۇلتتىق ارنادان تاماشالاي الاسىزدار.