الماتىدا داريعا نازاربايەۆا باستاعان ءبىرقاتار سەناتورلار ق ر ۇقك شەكارا قىزمەتى اكادەمياسىندا بولدى. وقۋ ورنىمەن تانىسۋ بارىسىندا سەناتور باسشىلىقپەن اشىق اڭگىمە بولعانىن، الداعى ۋاقىتتا قاجەتتى كومەك كورسەتىلەتىنىن ايتتى، دەپ حابارلايدى Qamshy.kz اقپارات اگەنتتىگى.

ايتا كەتەيىك، قىركۇيەكتىڭ 18-19 كۇندەرى ق ر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتى مەملەكەتتىك شەكارا كۇزەتى ماسەلەلەرى بويىنشا كوشپەلى كەڭەس وتكىزدى. داريعا نازاربايەۆا باستاعان ءبىرقاتار سەناتورلار الماتى مەن الماتى وبلىسىنداعى اسكەري وقۋ ورىندارى مەن شەكارا، كەدەن بەكەتتەرىندە بولدى. بۇگىن قۇرلىق اسكەرلەرىنىڭ اسكەري ينستيتۋتى جۇمىسىمەن تانىسقاننان كەيىن، كوشپەلى كەڭەس ق ر ۇلتتىق قاۋىپسىزدىك كوميتەتى شەكارا قىزمەتى اكادەمياسىندا بولىپ، وندا دەپۋتاتتار كۋرسانتتار مەن وقىتۋشى قۇراممەن كەزدەستى.

«قازىرگى ۋاقىتتا دامىعان ەلدەردىڭ قارۋلى كۇشتەرى قىمبات تەحنيكالار مەن ەلەكترونيكامەن جابدىقتالۋدا. مەن قارۋلى كۇشتەرىمىز دە، ساربازدارىمىز دا كومپيۋتەردى، اقپاراتتىق تەحنولوگيانى يگەرىپ، بارىنشا ەلەكترونيكامەن جابدىقتالۋى كەرەك دەگەن پىكىردەمىن. ساردارلارمەن سويلەسكەنىمدە ولار بۇگىنگى سارباز ەلەكترونيكانى دا، بالاما تەحنيكانى دا يگەرۋى قاجەت دەگەن پىكىر ايتتى. سەبەبى، قارۋلى جاتتىعۋ كەزىندە ەلەكترونيكا ءوزىن ۇنەمى جاقسى جاعىنان كورسەتە بەرمەيدى. سوندىقتان، تيىمدىلىگى جوعارى ەسكى تەحنيكالاردى دا يگەرۋ ماڭىزدى. ەلىمىزدىڭ قورعانىس قابىلەتىن ارتتىرۋ وتە ۇلكەن قاراجاتتى قاجەت ەتەتىنىن بىلەمىز. مىقتى ارميا سوعىس ءۇشىن ەمەس، قورعانىس ءۇشىن قاجەت» - دەدى سەناتور.

دەپۋتاتتاردى اتالعان اسكەري ينستيتۋت باسشىسى پولكوۆنيك سەرىك اسانوۆ قارسى الىپ، وقۋ ورنىنىڭ تاريحى مەن بۇگىنگى احۋالىن بايانداپ بەردى. «قۇرلىق اسكەرلەرىنىڭ اسكەري ينستيتۋتى 1970 جىلى قۇرىلعان. 2003 جىلى ق ر ۇكىمەتىنىڭ №1080 قاۋلىسىمەن ق ر قك الماتى جوعارى اسكەري ۋچيليششەسى قۇرلىق اسكەرلەرىنىڭ اسكەري ينستيتۋتى بولىپ وزگەرتىلدى. وقۋ ورنىنىڭ باستى مىندەتى - قۇرلىق اسكەرلەرىنىڭ قۇرىلىمدارىنا  جوعارى مامانداندىرىلعان وفيسەرلەردى ازىرلەۋ. ينستيتۋت وفيسەرلەردى 14 ماماندىق بويىنشا دايىندايدى»، - دەدى سەرىك اسانوۆ.

ينستيتۋت باسشىسىنىڭ ايتۋىنشا، وقۋ ورنى زاماناۋي وقۋ-ماتەريالدىق بازامەن، تەحنيكالىق وقۋ قۇرالدارىمەن تولىقتاي قامتاماسىز ەتىلگەن.

ينستيتۋت جۇمىسىن ارالاۋ بارىسىندا داريعا نازاربايەۆا «ت72، ت72ب» تانكىلەرىنىڭ ماكەتىندەگى اۆتوماتتاندىرىلعان اتۋ قۇرالىمەن نىسانانى كوزدەپ، بىرنەشە وق اتتى.

«وسىنداي قۇرىلعىلار ارقىلى قاراجاتتى ۇنەمدەۋگە بولادى. ءبىراق پوليگوندا وقۋ، اتۋ جاتتىعۋلارىنان ءوتۋ - ول مۇلدە باسقا. مۇندا ويىن اۆتوماتىندا وتىرعانداي كۇيدە بولدىم»، - دەدى داريعا نازاربايەۆا.  ق ر حالىق قاھارمانى،

سەنات دەپۋتاتى تالعات مۇسابايەۆ داريعا نازاربايەۆانىڭ بۇل جاتتىعۋىن اسكەري ادام رەتىندە جوعارى باعالادى.

«داريعا نۇرسۇلتانقىزىت72 وقۋ-جاتتىعۋ تانكىسىنىڭ كابيناسىنا كىرىپ، وق اتتى. جاقسى ناتيجە كورسەتتى. ۇلگىلى كۋرسانتتىڭ تاپسىرماسىن ورىندادى، ونى كەز كەلگەنىمىز بىردەن جاساي الماس ەدىك. ءبىرىنشى رەت وتىرىپ تۇرعان ادام مۇنداي ناتيجە كورسەتكەنى، ونىڭ نەگىزى بار ەكەنىن كورسەتەدى. كوميتەت ءتورايىمىنىڭ ءوزى كەلىپ، جاعدايدى كوزىمەن كورۋى بۇل جاقسى دۇنيە»، - دەدى تالعات مۇسابايەۆ.  

ايتا كەتەيىك، وقۋ ورنى جىل سايىن 400 كۋرسانت قابىلدايدى. اقىلى وقۋ ءتۇرى جوق. ورتا مەكتەپ بىتىرگەن تۇلەكتەر ۇبت ناتيجەسىمەن قوسىمشا ەمتيحاندار تاپسىرادى.