«ورىس ەمەس، ورىسقۇلدار ءقاۋىپتى» توپتاماسىنان 5 جىر:
بۇل جالعاندا ەشتەڭە جوق «ماڭگىلىك»!
اقىماققا بيلىك بەرسەڭ، بۇلدىرەر،
ول ايتەۋىر ءبىر جەرىنەن ىلدىرەر.
دەگەن ماقال:«قىرعىز-قازاق ءبىر تۋعان»،
اڭداعانعا، كوپ نارسەنى بىلدىرەر...
قىرعىز بىزگە و زاماننان باۋىرلار،
الاتاۋدا - ەكى ۇلتتا دا اۋىل بار.
قىرعىزدارعا قيىن بولسا كىشكەنە،
قازاق جاعى ونى قاتتى اۋىرلار.
ول مىقتىلار، تۋعان ۇلتىن جاسقاعان،
قىرعىز سوسىن، ۇلى جورىق باستاعان.
ۇلتىن ساتقان ەكى بىردەي باسشىسىن
قىرعىز باۋىر تاقتان جۇلىپ تاستاعان.
توزگەن ەمەس باسىنۋعا، زورلىققا،
ءسوز مەرگەنى - ءدال تيگىزەر «وندىققا».
ءبىزدىڭ قىرعىز - جاۋىنگەر ۇلت ەرەكشە،
ەشقانداي ءبىر توزگەن ەمەس قورلىققا.
ىنجىق بىتكەن كىلەڭ قورلىق كورەدى-اۋ،
اۋزىنداعىن جىرىپ وعان بەرەدى-اۋ.
قىرعىزداردىڭ جۇرەك جۇتقان ەرلىگى
ءبىز قازاققا ۇلگى بولماي كەلەدى-اۋ.
تالقان ەتىپ، جەمقور باسشى مازاعىن،
سىلكىپ تاستاپ، ادام توزبەس ازابىن.
قىرعىز - ناعىز باتىر تۋعان ۇلت ەكەن،
قۇرمانبەككە بەردى اۋىرىن جازانىڭ.
ول باكييەۆ، ادال بولسا قاشا ما؟
ەشقاشان دا ۇلتقا زورلىق جاساما!
ەگەر تازا ادام بولسا، قۇرمانبەك،
ءبىر-اق تۇندە ەلىن تاستاپ اسا ما؟
ونى، اناۋدى - قىرعىز ۇلتى ءوسىردى،
تۇزەلەر دەپ تالاي رەت كەشىردى.
ۇلتىن قىرعان ول جاۋىزعا اقىرى،
شىندىق جەڭىپ، اۋىر جازا كەسىلدى.
كۇتە-كۇتە كوز جانارىڭ تالسا دا،
قايران ۇلتىم، ادىلەتتى بار سانا.
كۇشپەن كەتىپ، قانمەن جاۋاپ بەرەتىن
ەل قاناعان تاققۇمارلار قانشاما؟
وزگەرەدى ءبارى ىشىندە زاماتتىڭ،
دايىن انە، قىلمىسكەرگە اباقتىڭ!
ءوزىن ماڭگى بيلەۋشى دەپ سانايتىن،
ۇلتىن ساتقان جاۋىزدارعا ساباق بۇل.
تالاق بولسا، ءوز ۇلتىنىڭ ەلدىگى،
مازاق بولسا، ءوز ۇلتىنىڭ ەرلىگى،
تۋعان ۇلتتان بەزگەندەردى ءتۇبى ءبىر
اۋىر جازا كۇتەتىنى بەلگىلى!!!
دۇلەيلەرگە زاۋال كەلگەن نە دەگەن،
جەمقورلاردى، ۇرىلاردى دەمەگەن،
ەل باسشىسى ءتۇبى جاۋاپ بەرەدى،
بولسا داعى قاي «قۇدايى» جەبەگەن...
«ماڭگىمىن!» دەپ ويلار ناعىز اڭگۇدىك،
ۇرلاۋ، توناۋ - سوندايلارعا ءتان قىلىق.
تىرىسىندە ولار تۇك تە ويلاماس،
ال، ومىردە ەشتەڭە جوق ماڭگىلىك!
دەپ ويلاما: «ەسەپتەيمىز قانشاعا؟..»
ۇلتىم ءوزىڭ قاجى ما دا، شارشاما.
ءسويتىپ، «ماڭگى» - سوتتالىپتى ماڭگىگە،
باكييەۆتەي «ماڭگى» بىزدە قانشا ما...
قازاق پەن «قازاقستاندىق» تۋرالى حيكايا
بار قازاق ءتۇبى وڭار ما؟
قازاققا «بىرلىك» قونار ما؟
«قازاق» دەپ ايتام قازاقتى،
ال، «قازقستاندىق» ولار دا:
ورىسشا سويلەپ سوزدەرىن،
كورەسىڭ كوزبەن... «ەزگەنىن».
«قازاق» دەپ ايتسا بولعانمەن،
ورىسقا تەڭەر وزدەرىن.
قاناتى ۇلتتىڭ قايرىلعان،
قازاق جوق وعان قايعىرعان.
قازاق پەن «قازاقستاندىق»
وسىلاي قاققا ايرىلعان.
كۇن بار دا جانە اي بار دا،
ەكەۋى ەكى مايداندا.
بىرەۋ - قازاق بوپ قالعان،
بىرەۋى - ۇلتتان تايعان دا...
بىرىندە باسىم - قۇشتارلىق،
بىرىندە باسىم - «دۇشپاندىق»
ەكەۋى ءبىر ۇلت بولعانمەن،
قازاق پەن «قازاقستاندىق».
قازاقتى - قازاق ەزگەندەر،
قۇشتارلىق - ءقاۋىپ سەزگەندەر.
قۇشتارلىق - تازا قازاق تا،
دۇشپاندىق - ۇلتتان بەزگەندەر،
«قازاقستاندىق» - بولىستار،
(تىزگىندى بۇگىن سول ۇستار).
«قازاقستاندىقتار» نەگىزى
ورىستان بەتەر «ورىستار».
كەتكەندەر سولار بەتىمەن،
سويلەيتىن سولار «كوتىمەن».
قوجايىندارىنا دا ورىستاي
ال سۇمدار - «ادال» شەتىنەن.
سولاردىڭ جوعىن جوقتاعان،
سولارشا جانە بوقتاعان.
ورىسىن ماقتان تۇتۋمەن
سولارشا كۇن-تۇن وتتاعان.
ءبىر جان جوق جانە «ءتايت-تاعان!»
ءبىر-بىرىن ولار مايتتاعان.
ولارعا ورىس ەشقاشان
«ۇلتىڭنان بەز» دەپ ايتپاعان.
قازاقتىڭ ءتىلى وشۋدە،
قازاقتىڭ ءدىنى وشۋدە.
ال، تازا قازاق بۇگىندە
وگەيدىڭ كۇنىن كەشۋدە.
قازاقى قازاق «وڭباعان!»،
ورىستى - «شالا» قولداعان.
«شالالار» - الىپ ۇستەمدىك،
قازاقتى - قازاق قورلاعان.
قازاقتى - تەۋىپ تىستاعان،
قازاق - قۇل، قازاق - كۇس تابان.
ورىستان وتكەن ورىستار
ورىستىق بيلىك ۇستاعان.
«شالا ورىس» بۇگىن - بۇل «اعا»،
سەن، ودان ساۋعا سۇرا ما؟
قانقۇيلى قىزىل بيلىگى
قالدىرعان ۇلتقا مۇراعا...
ىستەرى ورىس اۋماعان،
قازاقتىق تۇگى قالماعان.
ورىستان وتكەن ورىستار
بيلىكتى تۇتاس جاۋلاعان.
قۇلدىقتىڭ جولى - جار باسى،
ورىستىڭ جولى - تاڭداسى.
ال، بۇلار شىنى، كەشەگى
قۇل-قۇتانداردىڭ جالعاسى.
...ەستە مە، «قىزىل» بۇرقاعى،
ەستىنى بىردەن قۇرتادى.
ال، بۇلار شىنى كەشەگى
قىزىل جەندەتتەردىڭ ۇرپاعى.
ۇلتىنان قالاي بەزگەنى،
جەتپىس جىل ەستە ەزگەنى.
ال، بۇلار شىنى كەشەگى
كوممۋنيستەردىڭ كوزدەرى.
«تاپپەنەن» داڭقى اسقاندار،
اياقتى الشاڭ باسقاندار.
بايلار مەن وقىعانداردى
اتقاندار مەنەن اسقاندار...
بۇلاردىڭ اتا تەكتەرى،
بۇلاردىڭ قالىڭ بەتتەرى.
تەكسىزدەن تۋعان قۇل-قۇتان
تەكتىگە تىپتەن كەكتى ەدى.
ءبارىن دە قۇلشا بەزبەندەر،
بيلىكتە بۇگىن بەزدەڭدەر.
تاۋەلسىزدىكتى نەگىزى
العاندار - ۇلتتان بەزگەندەر.
قانشا بەر، ءبارىن اساماق،
ءدىنسىز بەن ءتىلسىز - اسا قات.
وسىلار بۇگىن قازاقتى
«قازاقستاندىق» جاساماق.
وق اتقان ۇلتقا تاسادان،
تەكتىگە تۋا قاس ادام.
«قازاقستاندىق» دەگەندى
وسىلار ويدان جاساعان.
ءوزى - قۇل، تاعى قۇل ەتپەك،
«شۇلدىردەن» - بيلىك تۇلەتپەك.
ال، بۇلار ءسويتىپ، قازاقتى
قۇندىلىقتارىنان تۇل ەتپەك!
ورىسشا سويلەر تۋعالى،
قازاقپەن ءبىراق، ءبىر قانى.
ال، بۇلار تۋا ورىستىڭ
قۇلاقكەستى دە قۇلدارى.
العان بەتتەرىنەن دە توقتاماس،
قازاقشا تيتتەي «وتتاماس»
ال، بۇلار شىنى ەشقاشان
قازاقتىڭ جوعىن جوقتاماس.
ورەكەڭدەردىڭ وگىزى،
ورەكەڭدەردىڭ ەگىزى.
قاپتاعان قارا «ولجاستار» -
ورىستان قارا نەگىزى.
ايىرعان ۇلتتى دىنىنەن،
ايىرعان ۇلتتى دىلىنەن،
بۇگىندە سولار بيلىكتە
ايىرعان ۇلتتى تىلىنەن.
تىلسىزدەر - قۇداي سانالار،
دىنسىزدەر - بىلاي سانالار.
قازاقتاي ۇلتتى قورلاعان
ورىستار ەمەس، انالار.
ۇلتىما سور بوپ بۇل داعى،
ءتىل مەنەن ءدىندى بىلعادى.
ال، قازاق، انا شوشقاداي
«قازاقستاندىقتاردىڭ» قۇلدارى.
قازاقتىڭ قانىن سورادى،
كوز جاستان كولدەر تولادى.
تۇبىندە «كۇرەس» - انىعى
«قازاقستاندىقتارمەن» بولادى.
«ۇلتىم!» دەپ جۇرەك ەزىلەر.
«ۇلتىم!» دەپ ارۋ ەگىلەر.
ازامات سوعىسىنداعى
سياقتى قاندار توگىلەر.
ءبىر ۇلتتى - ءبىر ۇلت قىرادى،
دۇشپاندار - تۇزاق قۇرادى.
ەكى جاعى دا قازاقتىڭ
ءبارىن دە تىم كەش ۇعادى.
...الدى دا سونداي قۇيىن بار،
الدى دا سونداي «قيىن» بار.
سوندىقتان قانداس باۋىرلار،
ەستەرىڭدى ەرتە جيىڭدار!
جات جاقتان ۇلگى الماڭدار،
شاقىرعاندارىنا دا بارماڭدار.
ءبارى ءبىر بىزدەر قازاقپىز،
وبالىنا ۇلتتىڭ قالماڭدار!
وبالىنا ۇلتتىڭ قالماڭدار!!!
«باقىتتى» «شۇلدىربيكەلەر»...
ۇيكەمەس جەرگە ۇيكەلەر،
سۇيكەمەس جەرگە سۇيكەنەر،
قاتىنى، قىزى، ويناستار،
بارلىعى - «شۇلدىربيكەلەر»...
ولاردا ءدايىم - كۇيىت ونەر،
كۇتكەنشە ونى – يت ولەر،
بىلقىلداپ جانە سىلقىلداپ،
جۇرەدى «شۇلدىربيكەلەر».
جورعالاپ ق ۇلى جالىنعان،
ميالۋلاپ، جالاپ، جاعىنعان.
مويىن مەن قولدا – اسىل تاس،
التىنعا تۇتاس مالىنعان.
ىشپەدىڭ، الدە ءىشتىڭ بە،
قاجەت-اۋ سونشا كۇش كىمگە؟
قازاقتىڭ بارلىق بايلىعى
«شۇلدىربيكەلەر» ۇستىندە.
كەشە العان، تاعى الدىردى-اي،
مويىنعا، قولعا، سالدىردى-اي.
قازاقتىڭ سونشا بايلىعىن
جاتسا دا توناپ قالدىرماي،
قازاقتىڭ ءوزىن، ءتىلىن دە،
توڭقاڭشىل اناۋ ءدىنىن دە،
قاتىندار مەنسىنگەن ەمەس،
«قازاقبايلاردىڭ» ءبىرىن دە.
تاعى دا وعان ۇيكەلەر،
تاعى دا وعان سۇيكەنەر،
ەشقاشان تويىپ كورمەگەن،
وسىناۋ «شۇلدىربيكەلەر».
قازاقتى كورسە: «كىم؟»-دەيدى،
تىلدەرىن، ءتىپتى، بىلمەيدى.
اتى جوق انا قالادا
«توقالدار» - شالقىپ ءجۇر دەيدى.
ال، بۇلار – كىمنىڭ قاتىنى؟
ال، بۇلار كىمنىڭ «جاقىنى؟»
«ولاردى» بىردەن تانيدى،
جەتكەن ءبىر قازاق اقىلى...
بايلىقپەن شالقىپ، كۇن كورەر،
«مىڭ ءبىر تۇندەگى-دەي.» ءتۇن كورەر...
قازاقتان ازعان «شۇيكەلەر» -
ءجۇر دەيدى «شۇلدىربيكەلەر!..»
كىم دايىن، ءقازىر سۇيكەنەر؟
ۇيكەلەر كەلىپ، ۇيكەلەر...
ءوڭ مەنە ءتۇس نەمەسە ۇلتتىق قاسىرەتى!..
...قازاعىما باقىت بولىپ ورالعان،
ۇلتىم ءۇشىن ورالىپتى سول ارمان.
مىنە، عاجاپ، شۇلدىرلەگەن شىركىندەر،
باسشىسىمەن - تاريحتان جوعالعان!..
قازاعىما ءبىر كەرەمەت ب ا ق قونعان!
مەنىڭ ۇلتىم، قۋانىشتان شاتتانعان!
تازارىپتى قازاعىمنىڭ اۋاسى
تەكسىز بىتكەن – كەلمەس جاققا اتتانعان!..
ءجۇز پايىز ۇلت - تازا قازاق تىلىندە،
بۇزىلماعان تازا قازاق تۇرىندە،
قورلاپ كەلگەن ورىسقۇلدار ۇزاق جىل،
ۇلتتىق مۇددە - جەڭگەن ەكەن تۇبىندە!
قازاق سانى -30 ميلليوننان اسىپتى،
بۇل جاعىنان كىلەڭ العا باسىپتى.
عالىم سانى - سان ميلليون دەسەدى،
ۇلتتىق عىلىم - مۇحيت بولىپ تاسىپتى!
ۇلت ۇستىنەن قايعى بۇلتى سوگىلگەن،
سانالارعا ۇلتتىق ۇلگى سەبىلگەن.
مەكتەپتەردە - قوڭىراۋلار ورنىنا
كۇمبىر-كۇمبىر!.. قازاق كۇيى توگىلگەن!
اشكەرە ەتكەن نەبىر بىلىق-شىلىقتى،
قازاق ۇلتى: «بار»- دەگەندى شىن ۇقتى!..
ورىسقۇلدار - ويلاپ تاپقان «140
ۇلت!» دەگەن دە - وتىرىك بوپ شىعىپتى!
\كاندەندەردەي بىر-بىرىنە ىلىققان،
ول تەكسىزدەر - جەمقور قۇلدار بىلىققان...
«كەدەن-سەدەن»، «وداق-موداق» دەگەننىڭ
اتتارىن دا حالىق مۇلدەم ۇمىتقان.
ەندى ويلاسام، قۇلدىق ەكەن باياعىم،
ۇلتتىڭ داڭقىن بار الەمگە جايامىن.
ماسكەۋ - بىزبەن تەڭ تۇرعىدا ساناسىپ،
جۇڭگو داعى - بايقاپ باسقان اياعىن.
ۇلتتان شىققان بارلىق مامان - مي ەكەن،
ويلى باستار - جاڭالىققا ۇيا ەكەن.
ءبىز شىعارعان ەڭ ساپالى ونىمدەر،
الەم بولىپ، سۇرانىسقا يە ەكەن.
بار مەن جوق تا، باي، كەدەي دە - تەڭ ەكەن،
بىرگە تۋعان قازاعىممەن بەرەكەم.
كوپ پارتيا - تەڭ پارتيا سانالعان
قازاق ەلى - پارلامەنتتىك ەل ەكەن.
ەڭ ءبىرىنشى - ۇلت مۇددەسى بۇگىندە،
سونى سىيلار ۇساعىڭ دا، ءىرىڭ دە.
بارلىق باق-تار، تەلەارنالار - ءبىر عانا
مەملەكەتتىك جالعىز قازاق تىلىندە.
كاسىپورىن - اۋىرى مەن جەڭىلى،
قۋات كوزى - الەمدەگى ەڭ ءىرى،
قازاقتاردىڭ الۋان-الۋان كيىمى،
قازاقتاردىڭ الۋان-الۋان كولىگى..
استىق وسكەن - تىڭ ولكەنىڭ توسىنە،
جەتىپ جاتىر قازاعىما نەسىبە.
قازاقتاردىڭ ءتورت تۇلىگى مىڭىرعان،
سىيماستاي بوپ ۇلى دالا توسىنە.
تەك ەڭبەك ەت، ەشقاشان دا شارشاما،
قولى بوستىق، جۇمىسسىزدىق - ار سانا.
ەت تە، ءسۇت تە - مۇحيت بولىپ تاسىعان،
جەمىس-جيدەك، كوكونىستەر قانشا ما؟
قۋات كوزى - سۋ مەن كۇنگە اۋىسقان،
كوز تارتادى مۇنارالار الىستان.
ورىسقۇلدار - باياعى دا-اق قازاقتىڭ:
التىن-كۇمىس، مۇناي-گازىن تاۋىسقان...
شارشاماعان سول ۇرىلار توناۋدان،
ءىز قالماعان بۇگىندەرى ولاردان.
پاراقورلىق، جەمقورلىقتار سونداعى
تەكسىزدەرمەن بىرگە مۇلدەم جوعالعان...
...«...و عاجاپ-اي، و ارمان-اي، ارمان-اي!..»-
دەپ جاتقاندا، مەن ويانىپ قالعام-اي...
ءتۇسىم ەكەن، ءتۇسىم ەكەن، جالعان-اي،
و جالعان-اي، جالعان-اي!
سول زاماتتا - تۇنەك بولىپ تاڭعى اراي،
جۇرەك شانشىپ، سىزداپ كەتكەن جان جارا-اي!..
ءبىر ورىسقۇل - كوك جەلكەمنەن سول ساتتە:
«وح، باران!» -دەپ، مەنى ءتۇيىپ قالعانى-اي!
شۇبار، شۇبار، بۇلدىر بەت،
ول اتاقتى شىڭعىربەك!
ءتۇرى - قازاق، ءتىلى - ورىس:
-تى، سۆولوچ، سۆولوچ!-دەپ شۇلدىرلەپ.
ءسوز ۇقپايتىن بۇل شوشقاعا نە دەيسىڭ،
سەن، قازاقسىڭ! سونىقتان دا وگەيسىڭ!..
قولىنداعى جىلان تاسپا بيشىكپەن
قازاقتاردى ساباپ بەردى دەگەيسىڭ!..
اۋىر سوققى! قوس قۇلاعىم كۇڭگىرلەپ!
مەن قازاقشا بىردەڭە دەپ مىڭگىرلەپ ...
ءسىبىر جاققا كەتىپ بارا جاتىرمىز،
كىلەڭ قازاق - ساپقا تۇرىپ، ءبىر، بىرلەپ!..
جازىلماستاي قازاق جانى جارالى!
نە ىستەسە دە، سورلى قازاق جالالى!..
اۋىر جولدا – قانشا قازاق قىرىلىپ،
ال، قانشاسى – كەمتار بولىپ قالادى.
سول تەكسىزدەر - باياعىشا ەسەدى،
«بۇل دوستىق!» دەپ باياعىشا بوسەدى!
قازاق جەرىن «2000 ۇلت!» مەكەندەپ،
ال، قازاقتىڭ كوزىن قۇرتقان دەسەدى.
كوز اشپايتىن كىلەڭ بۇلىڭ-بۇلىڭنان،
تۇتاس بيلىك - ۇلتتان تەرىس بۇرىلعان،
«قازاق» اتتى مەملەكەتتىڭ ورنىنا
«ءشۇلدىرستان» گۋبەرنياسى قۇرىلعان.
سول ۇرىلار - ءالى داعى ۇرى ەكەن،
ماسكەۋ اتتى قوجايىنى «ءىرى» ەكەن!
«ءشۇلدىرستان» -گۋبەرنياسى بولعان سوڭ،
ورەكەڭنىڭ قۇلاقكەستى ق ۇلى ەكەن.
سول ءشۇلدىرباي - تاقتا ماڭگى ءبىر قۇداي،
قازاعىمنىڭ بارار جەرى – قۇردىم-اي!..
مۇنىڭ ءبارى – وسى تەكسىز شىعارعان
«ەۋرازيانىڭ» زاردابى ەكەن، سۇمدىق-اي!..
ورىس ەمەس، ورىسقۇلدار ءقاۋىپتى!
لاستاپ، لايلاپ، سۋى ءمولدىر سۋاتتى،
كوك جايلاۋدىڭ وتىن تاپتاپ، سۇلاپتى...
ورىسقۇلدار ارمياسى بىلدىرتپەي،
قازاق ەلىن جاۋلاپ العان سياقتى.
تەكسىزدەردىڭ ارمياسى جوسىلعان،
اڭگۇدىكتەر ويىندارى وسىلعان...
ال، ولارعا جاعىمپازدار قوسىنى
ءبىر بۇيىردەن كومەككە كەپ قوسىلعان.
ءشۇلدىربايلىق بايقالماعان تۇرىندە،
سولار بيلىك قۇرىپ وتىر بۇگىندە.
ۇزاق جىلدار وتارلاعان قازاقتى
ولار سويلەر قوجايىندار تىلىندە.
اتا-بابا ءتىلىن ساتىپ بايىرعى،
اتا-بابا ءدىنىن ساتىپ بايىرعى،
ول بايعۇستار، قاتىن الماي قازاقتان،
تاپقان كوبى ورمان جاقتان قايىندى...
ۇلتقا دەگەن وشپەندىلىك، نازا بار،
بوگدە تىلدە وقىپ جانە جازا الار...
وتارلاۋشى ۇلتتان دا اسقان قاتىگەز
ءتۇرى قازاق – قازاق دەسە، سازارار!
ۇلتتان شىققان – تەكسىزدەردىڭ تەكسىزى،
ۇلتتان شىققان – بەتسىزدەردىڭ بەتسىزى!
قازاقتاردىڭ ۇنامايدى بەت-جۇزى،
ۇناعانمەن قازاقتاردىڭ ەت، تۇزى...
تۇسىنىكتى، قۇل تىلىندە سوزدەرى،
سول قۇلدارشا مالتالارىن ەزگەنى...
سەزبەيدى ولار ۇلتتىق اۋىر قايعىنى
ۇنامايدى قازاقتاردىڭ وزدەرى.
شەتتەرىنەن بيىك مانساپ كوزدەيدى،
قۇلشا سەزىپ، ۇلتشا ەشتەڭە سەزبەيدى.
انا قۇلشا سويلەمەيتىن سازارىپ،
قازاقتارعا ەشقاشان دا توزبەيدى.
قۇلشا جانە باسقا كوپ ءتىل بىلەدى،
قازاقتارعا تاس بوپ قاتقان جۇرەگى.
ارقا تۇتار ولار ءالى ماسكەۋىن،
سوندا كۇندە ۇشىپ بارىپ جۇرەدى.
بۇلار راس – تەك سولارعا سەنەدى،
تۇسىنىكتى، سەبەبى مە، سەبەبى...
تەكسىز بولىپ تۋعاندارى ءۇشىن دە
بىزدەي «مامبەت» قازاقتاردى سوگەدى.
قۇل-قۇتانداي تاربيەسىز تۋار ما،
دەۋ ساندىراق: «اتا جولىن قۋار ما؟...»
ءبىزدىڭ ۇلتتىق تاربيەنى قويا تۇر،
ۇلتتىق نامىس، ار-ۇيات جوق بۇلاردا.
ولار ەمەس، «سەن، قازاقتى» باعاتىن،
قوجايىنى، انە، ارقاعا قاعاتىن...
ءبىز وسىنداي قاسىرەتتى ۇلت بولدىق،
«ىشتەن شىققان جىلاندارى» شاعاتىن.
قاققا بولگەن قازاق دەگەن حالىقتى،
بۇل شىركىندەر، بولماس ۇلتقا اۋىپتى.
شىنىمدى ايتسام، كەلەشەكتە قازاققا
ورىس ەمەس، ورىسقۇلدار ءقاۋىپتى!!!
جۇماش كوكبورى
پىكىر قالدىرۋ