بەلگىلى اقىن، ق ر مەملەكەتتىك سىيلىعىنىڭ يەگەرى، قازاقستان حالىق جازۋشىسى تەمىرحان مەدەتبەك 81 جاسقا قاراعان شاعىندا دۇنيەدەن ءوتتى. بۇل تۋرالى اقىن قاسىمحان بەگمان الەۋمەتتىك جەلىدەگى جەكە پاراقشاسىندا حابارلادى.
"قازاق پوەزياسىنا قۇبىلىس بولىپ كەلگەن، ۇلتتىڭ اسقاق رۋحتى ۇلى اقىنى تەمىرحان مەدەتبەك دۇنيەدەن ءوتتى.
قارشادايىمنان ولەڭدەرىن وقىپ، قاسىنا ەرگەن اسىل اعام، قازاقستاننىڭ حالىق جازۋشىسى، قازاقستان مەملەكەتتىك سىيلىعىنىڭ لاۋرەاتى، كورنەكتى اقىن تەمىرحان مەدەتبەكتىڭ دۇنيەدەن وزعانىن ءقازىر عانا شولپان جەڭگەم ماعان ەڭ ءبىرىنشى حابارلادى.
سوڭعى اپتادا تەمىرحان اعامىزدىڭ اۋىر حالدە اۋرۋحاناعا تۇسۋىنە بايلانىستى وتباسىمەن، دارىگەرلەرمەن جازۋشىلار وداعىنىڭ باسشىلارى ۇنەمى حابارلاسىپ تۇردى.
قازاقستان جازۋشىلار وداعىنىڭ ءتوراعاسى مەرەكە قۇلكەنوۆ ەكەۋىمىز 2 كۇن بۇرىن بارعاندا جانساقتاۋ بولىمىنە كىرگىزبەگەن سوڭ، مەن «اعا، ءبىز كەلىپ تۇرمىز، جانىڭىزدامىز» دەپ حات جازىپ، قالدىرىپ كەتىپ ەدىم.
بۇگىن ءتوراعا مەرەكە قۇلكەنوۆ، ونىڭ كەڭەسشىسى ءامىرجان قوسانوۆ جانە بەلگىلى كاسىپكەر قانات سانىك تورتەۋىمىز الماتىداعى سوۆمين اۋرۋحاناسىنىڭ اعامىز جاتقان جانساقتاۋ بولىمىنە كەزەكپەن كىرىپ، ءۇنسىز باقۇلداسىپ، قوشتاسىپ شىققان ەدىك.
ءيا، وتكەندە عانا اعامىزدىڭ 80 جاسىن دۇركىرەتىپ الماتىدا تويلاعان ەدىك. 81 قاراعان شاعىندا ومىردەن ءوتتى. ءقازىر عانا گەرمانيادان سەرىك تاۋكەبايەۆ، الماتىدان قانات اشىربەك ۇلى سىعاي حابارلاستى.
الاماندا الدىنا جان سالماي شاپقان داۋىلپاز اقىننىڭ دۇنيەدەن وتۋىنە وراي بۇكىل قازاق حالقىنا، ونىڭ وقىرماندارىنا قاتتى قايعىرىپ، كوڭىل ايتامىن.
اقىن تەمىرحان مەدەتبەكتىڭ جانازاسى قاشان شىعاتىنى، قوناقاسى، اسى قايدا بەرىلەتىنى جايلى قوسىمشا حابارلايتىن بولامىز"، – دەلىنگەن حابارلامادا.
