2025 جىلدىڭ 8 مامىرىندا الماتى قالاسىندا ەكولوگيالىق اكسيا ءوتتى. 

سەنبىلىك جالپىرەسپۋبليكالىق «تازا قازاقستان» ەكولوگيالىق اكسياسى اياسىندا ۇيىمداستىرىلىپ، بيىلعى جىلى 80 جىلدىعى اتالىپ وتەتىن ۇلى جەڭىسكە ارنالدى.

قالانى تازارتۋعا الماتى قالالىق قوعامدىق كەڭەس مۇشەلەرى، قالا تۇرعىندارى، ەرىكتىلەر، قۇقىق قورعاۋ ورگاندارى، ق ر قورعانىس مينيسترلىگىنە قاراستى اسكەري وقۋ ورىندارىنىڭ كۋرسانتتارى، ءماسليحات دەپۋتاتتارى، قوعام قايراتكەرلەرى، سونداي-اق، ەسترادا جۇلدىزدارى، سپورتشىلار مەن بلوگەرلەر ۇلى وتان سوعىسى ارداگەرلەرىنىڭ مەموريالدىق ايماعىن تازالادى.

اكسيا اياسىندا كوشەلەر مەن ساياباقتاردى سانيتارلىق تازالاۋ، باعانالار مەن قورشاۋلاردى سىرلاۋ، ارىق جەلىسىن تازارتۋ، اعاش ەگۋ، ءشوپ شابۋ، جاسىل جەلەكتەردى قالپىنا كەلتىرۋ، اعاشتار مەن بۇتالاردى سانيتارلىق ماقساتتا كەسۋ، كوگالداندىرىلعان ايماقتاردى اعىمداعى جوندەۋ جۇمىستارى سياقتى ءتۇرلى جۇمىستار جۇرگىزىلدى.

الماتى قالاسىنىڭ اكىمدىگى اكسيا قاتىسۋشىلارىنا اعاش كوشەتى، قولعاپ، قاپ، كۇرەك پەن تىرما بەرۋ سىندى بارلىق قاجەتتى كومەك كورسەتەدى. قاتىسۋشىلارعا ارنايى فۋتبولكالار، كەپكالار جانە «جەڭىس» ەستەلىك لەنتالارى تاراتىلدى.