كەزدەسۋ سوڭىندا مەملەكەت باسشىسى جاس سپورتشىلارعا زور دەنساۋلىق تىلەپ، جارقىن جەڭىستەرگە جەتۋلەرىنە نيەتتەستىك ءبىلدىردى.
قازاقستان پرەزيدەنتى الماتىداعى «قايرات» فۋتبول كلۋبىنىڭ سپورت بازاسىنا باردى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى كلۋبتىڭ سپورت بازاسىمەن تانىستى. وندا بەس فۋتبول الاڭى، سپورتشىلاردى تولىق بابىنا كەلتىرۋگە ارنالعان مەديسينالىق كەشەن مەن جابدىقتار بار.
سونىمەن قاتار، نۇرسۇلتان نازاربايەۆقا الماتى قالاسىنداعى ورتالىق ستاديوندى جاڭعىرتۋ تۇجىرىمداماسى جانە مەگاپوليستە جەڭىل اتلەتيكا سپورتىنىڭ ينفراقۇرىلىمىن دامىتۋ جوسپارى تانىستىرىلدى.
ەلباسى «قايرات» فۋتبول كلۋبىنىڭ اكادەمياسىندا وقىپ جاتقان جاس سپورتشىلارمەن اڭگىمەلەسىپ، ولاردىڭ سپورتتاعى جانە وقۋداعى جەتىستىكتەرى جونىندە سۇرادى.
ەلىمىزدە سپورتپەن شۇعىلدانۋ ءۇشىن بارلىق جاعداي جاسالعان. قازاقستان ەڭ جوعارى دەڭگەيدەگى حالىقارالىق جارىستاردا كەرەمەت ناتيجەلەر كورسەتۋدە. بىزدە بوكس، كۇرەس، ءجۇزۋ، جەڭىل اتلەتيكا جانە سپورتتىڭ باسقا دا تۇرلەرىنەن وليمپيادا جەڭىمپازدارى بار، - دەدى قازاقستان پرەزيدەنتى.
سونداي-اق، نۇرسۇلتان نازاربايەۆ ەلىمىزدىڭ بارلىق وڭىرىندە ستاديوندار كەشەندى قايتا جوندەۋدەن وتكەنىن، مەملەكەت تاراپىنان فۋتبولدى دامىتۋ ءۇشىن جۇيەلى قولداۋ كورسەتىلىپ جاتقانىن ايتتى.
پىكىر قالدىرۋ