Microsoft بۇكىل الەم بويىنشا بۇلتتىق جانە جەرگىلىكتى شەشىمدەرگە جاسالاتىن كيبەرشابۋىلدار جونىندە مالىمەتتەردى الىپ، ولاردى تالداپ، قاۋىپ-قاتەرلەردى، وسال تۇستارىن زەرتتەپ، ەڭ سوڭعى كورسەتكىشتەرمەن قامتىلعان ەسەپتەردى كليەنتتەرىنە ۇسىنادى. 2017 جىلدىڭ ءبىرىنشى توقسانىنداعى ەسەپتىڭ جاڭا تومىندا 100-دەن اسا ەل مەن ايماقتاعى ەڭ ماڭىزدى دەگەن كيبەرشابۋىلدار جونىندە مالىمەتتەر كەلتىرىلگەن. Security Intelligenceء-تىڭ 22-تومىندا اسا ماڭىزدى وزگەرىستەر جايلى اقپارات قامتىلعان، اتاپ ايتقاندا، بۇلتتىق سەرۆيستەر جانە اقىرعى نۇكتەلەر جونىندەگى دەرەكتەر جيناعى رەتكە كەلتىرىلىپ، التى ايدىڭ ورنىنا ءۇش اي ىشىندەگى اقپارات كورسەتىلگەن.
«قاۋىپ-قاتەرلەردىڭ تۇرلەرى ۇنەمى وزگەرىپ وتىراتىندىقتان، قاۋىپسىزدىك جۇيەلەرىندەگى ۇدەرىستەردى مۇقيات زەرتتەپ، بۇكىل الەمدەگى كومپانيالارعا جاسالۋى مۇمكىن كيبەرشابۋىلدار جونىندە اقپاراتتى ۇسىنۋ ءبىز ءۇشىن اسا ماڭىزدى. وسىنىڭ ارقاسىندا شابۋىلدارعا جاۋاپ بەرىپ، ارام نيەتتى حاكەرلەردىڭ ارەكەتتەرىنە توسقاۋىل قويىپ، كورپوراتيۆتىك مالىمەتتەردى بەرىك قورعاي الامىز»، - دەپ اتاپ ءوتتى Windows، Microsoft CIS باعىتىنىڭ جەتەكشىسى ۇلان قاراجىگىتوۆ.
كومپانيالار بۇلتقا كوشكەن سايىن تىركەۋلىك جازبالارعا جاسالاتىن شابۋىلداردىڭ جيىلىگى ارتىپ، كۇردەلەنە تۇسۋدە. Microsoft-تىڭ شابۋىلعا ۇشىراۋى مۇمكىن بۇلتتىق اككاۋنتارىنىڭ سانى ءبىر جىل ىشىندە (2016 جىلدىڭ 1-توقسانى – 2017 جىلدىڭ ەكىنشى توقسانى) 300%-عا ارتتى. زارارلى IP-ادرەستەردەن كىرۋگە تالپىنۋ كورسەتكىشى 44%-عا ۇلعايعان (2017 جىلدىڭ 1-توقسانىنداعى مالىمەتتەر بويىنشا).
2017 جىلدىڭ ءبىرىنشى توقسانىندا Azure سەرۆيستەرىنە جاسالعان شابۋىلداردىڭ ۇشتەن ەكىسىنەن كوبى جۇڭگو جانە اقش-تاعى IP-ادرەستەردەن كەلىپ ءتۇستى (سايكەسىنشە 35،1% جانە 32،5%). ءۇشىنشى ورىندا كورەيا تۇرسا، ودان كەيىن تاعى 116 ەل مەن ايماق ورنالاستى. زيانكەستەر قولدانۋشىنىڭ ۇرلانعان دەرەكتەرىن قولدانۋ ارقىلى ونىڭ بۇلتتاعى تىركەۋلىك جازباسىنا كىرۋى مۇمكىن. وسى تۇستا شابۋىلداردىڭ كوپشىلىگى بەرىك ءقۇپياسوزدى ورناتپاۋ ءجان دە ونى بۇرىس قولدانۋدىڭ سالدارىنان ورىن الاتىنىن اتاپ وتكەن ءجون.
ەڭ كەڭ تارالعان كيبەرقاۋىپتەردىڭ بىرىنە زارارلى باعدارلامالىق جابدىقتاما كودىن جاسىرىن تۇردە جۇكتەيتىن سايتتار جاتادى. ونداي سايتتارعا وتكەن كەزدە براۋزەرى وسال قورعالعان كومپيۋتەرلەرگە ۆيرۋس جۇعۋى مۇمكىن. سونداي-اق، كومپيۋتەردەگى ماڭىزدى فايلداردى بۇعاتتاپ، بەلگىلى ءبىر اقشانى تولەمەيىنشە ونى جاۋىپ تاستايتىن بوپسالاۋشى باعدارلامالار دا اسا ءقاۋىپتى بولىپ تابىلادى. بوسپالاۋشى باعدارلامالار ءىرى كومپانيالادىڭ جۇمىسىنا نۇقسان كەلتىرىپ، بۇكىل الەمدەگى مىڭداعان كومپيۋتەرلەردى توقتاتىپ تاستايدى. كوبىنەسە مۇنداي باعدارلامالار ەۋروپالىق ەلدەرگە ءبىرشاما اسەر ەتۋدە: زارارلى كودپەن جۇعۋدىڭ ەڭ جوعارعى دەڭگەيى چەحيا، يتاليا، ۆەنگريا، يسپانيا، رۋمىنيا جانە حورۆاتيادا بايقالىپ وتىر. Windows 10 جۇيەسىندە بوسپالاۋشىلاردىڭ شابۋىلدارىن الدىن الۋعا مۇمكىندىك بەرەتىن قۇرالدار قاراستىرىلعان. سونداي-اق، Microsoft EDGE براۋزەرى Windows قورعاۋشىسىمەن بىرىكتىرىلگەندىكتەن، زارارلى سىلتەمەلەردىڭ 98%-ىن بۇعاتتاي الادى. كۇزدەگى Fall Creators Update جاڭارتىلىمىنان كەيىن Windows 10 جۇيەسىندە بۇلتتىق تەحنولوگيالار نەگىزىندە كومپيۋتەرلەردى قورعاۋعا ارنالعان فۋنكسيالار قولجەتىمدى بولماق.
كومپيۋتەرلەردىڭ وسال تۇسىن انىقتاپ، ونى پايدالانىپ كەتەتىن زارارلى باعدارلامالار جيناعى سوڭعى ۋاقىتتا جيىلەپ كەتتى. ونداي باعدارلامالاردى ەكسپلويتتار دەپ اتايدى. ۆەب-سەرۆەردە ورناتىلعان سوڭ، ەكسپلويتتار پاكەتى قاۋىپسىزدىك جۇيەسى جاڭارتىلماعان كەز كەلگەن كورپوراتيۆتىك كومپيۋتەرگە قوسىلا الادى.
دەگەنمەن، دەربەس كومپيۋتەردىڭ وسال جاقتارىن كۇشەيتىپ، شابۋىلداردى بارىنشا ازايتۋعا بولادى. Microsoft بۇل ءۇشىن كۇردەلى قۇپياسوزدەردى قولدانۋدى، قولدانۋشىنىڭ تۇلعاسىن تەكسەرەتىن كوپفاكتورلىق تاسىلدەردى (ماسەلەن، ىمدى نەمەسە پين-كودتى) قولدانۋعا كەڭەس بەرەدى. كورپوراتيۆتىك جەلىدەگى قولدانۋشىلاردىڭ قۇپيا دەرەكتەرىن، بەلگىلى ءبىر قۇرىلعىلار مەن وپەراسيالىق جۇيەلەردىڭ قولدانىلۋىن باقىلاپ وتىراتىن قاۋىپسىزدىك ساياساتىن ءماجبۇرلى تۇردە قولدانىسقا ەنگىزۋ قاجەت. بۇكىل جۇرتشىلىق قولدانا الاتىن Wi-Fi جەلىلەرى ارقىلى جۇمىس جاساماعان ءجون، ويتكەنى مۇنداي جەلىلەر زيانكەستەردىڭ اڭگىمەڭىزدى سىرتتان تىڭداپ الىپ، دەرەكتەرىڭىزدى جازىپ الۋعا جانە جەكە دەرەكتەرىڭىزگە قول جەتكىزۋىنە مۇمكىندىك بەرەدى. سونداي-اق، وپەراسيالىق جۇيە مەن باسقا دا باعدارلامالاردى تۇراقتى تۇردە جاڭارتىپ وتىرۋ دا كيبەرشابۋىلداردى الدىن الۋعا كومەكتەسەدى.
