«Qazaqstan» ۇلتتىق ارناسىندا جاڭا حالىقارالىق مەگاجوبانىڭ تانىستىرىلىمى بولىپ ءوتتى، دەپ حابارلايدى Qamshy.kz اقپارات اگەنتتىگى.

جوبا ۇيىمداستىرۋشىلارى جاڭا حالىقارالىق مەگاجوبا جايىندا تولىققاندى ءتۇسىندىرىپ، ونىڭ نەگىزگى ماقساتتارىنا توقتالا كەتتى.

«ءبىز بۇگىن «Qazaqstan» ۇلتتىق ارناسىنىندا 30 قىركۇيەكتەن باستاپ ەفيرگە شىعاتىن «جىبەك جولى جۇلدىزى»، «Silk Way Star» جاڭا حالىقارالىق مەگاشوۋىمەن سىزدەردى تانىستىرماقشىمىز. ءبىزدىڭ تاپسىرىسىمىز بويىنشا، ونى بەلگىلى پروديۋسەر دينارا ادامنىڭ شىعارماشىلىق توبى ىسكە اسىرۋدا. ءبىر ايتارىم، بۇل جوبا – بىرەگەي جوبا. سەبەبى بۇل فرانشيزا ەمەس، باسقا شەتەلدىك جوبانىڭ دايىن ساتىپ الىنعان فورماتى ەمەس. «جىبەك جولى جۇلدىزى» 100 پايىز ءوزىمىزدىڭ ويىمىزدان شىققان، ءوزىمىز ويلاپ تاپقان جوبا. ياعني، فورماتى، كونسەپسياسى، قۇرىلىمى، مازمۇنى بارلىعى دا بىزدىكى. بۇنداي شوۋ قازاقستان تەلەارنالارىندا ەشقاشاندا بولعان ەمەس. جانە بۇل كونسەرتتىك سايىستىڭ انالوگتارى ەشبىر ەلدە جوق. سوندىقتان «جىبەك جولى جۇلدىزى» مەگاشوۋىن 100 پايىزدىق قازاقستاندىق ءونىم دەپ اتاۋعا بولادى.

اتالعان جوبانىڭ ماقساتى جايلى ءبىراز ايتىپ كەتسەم. «جىبەك جولى جۇلدىزىنىڭ» باستى ماقساتى، قازاق  مادەنيەتىن، ءتىلىن، ونەرىن وسىنداي حالىقارالىق شوۋلار ارقىلى الەمگە ايگىلەۋ. ەكىنشى ماقسات – شەتەلدىك تەلەنارىققا شىعۋ ارقىلى تەليەۆيزيالىق اۋديتوريانى كەڭەيتۋ. بىزدە قازاقستاننان وزگە قاتىسۋشى ەلدەردىڭ، ياعني قىرعىزستان، تاجىكىستان، وزبەكستان، تۇركيا، ءازىربايجان، گرۋزيا، رەسەي فەدەراسياسىنىڭ: تاتارستان،  باشقۇرتستان ەلدەرىنىڭ ەڭ رەيتينگى جوعارى تەلەارنالارمەن كەلىسىم بار. ءبىزدىڭ جوبا سول ەلدەردە كورسەتىلەتىن بولادى. وسى كەلىسىمشارت، «جىبەك جولى جۇلدىزى» مەگا شوۋىنا 100 ميلليوننان استام  اۋديتوريانى تارتۋعا سەپ بولادى. جالپى ايتقاندا، وسىنداي اۋديتوريانى تارتۋ - قازاقستان تەليەۆيزياسىنىڭ تاريحىنداعى العاشقى جاعداي. جانە ءۇشىنشى ماقسات – ءبىز ءبىر ماۋسىم عانا ەفيرگە شىعىپ توقتاپ قالاتىن ءونىم جاساعىمىز كەلمەيدى. ءبىز جوبانىڭ شەكارالارىن كەڭەيتكىمىز كەلەدى. جانە باعدارلامامىزدىڭ ساپاسىن سوعان ساي ەتىپ جاساۋدامىز. وعان دالەل، ءبىز بارلىق جۇمىستاردى ءبىتىرىپ ەندى تۇسىرىلىمگە كىرىسەيىك دەپ جاتقاندا، قىتايدان جانە باسقا ەلدەردەن حابارلاسىپ قاتىسۋعا نيەت ءبىلدىردى. ءبىراق ءبىز بارلىعىن بايىپپەن، قادام قاداممەن جاساۋعا بەل بۋدىق. سونىقتان كەلەسى جىلى تەك وسى مەملەكەتتەر عانا ەمەس، مەملەكەت سانى كوبىرەك بولادى. ياعني اۋديتوريا كەڭەيەدى.  

بۇل جوبانى ءبىز ەرتەڭ باسقا نارىقتارعا ساتا الامىز. سەبەبى بۇل جاڭا فورمات. ءبىر جاعىنان سول ارقىلى قاتىسۋشى ەلدەردىڭ مۋزىكالىق جەتىستىكتەرىمەن تانىسامىز، ەكىشى جاعىنان، ءوزىمىزدىڭ مادەنيەتىمىزدىڭ، ءتىلىمىزدىڭ تارالۋ ايماعىن كەڭەيتەمىز.

كونكۋرس ءتارتىبى بويىنشا، قاتىسۋشىلار سايىستىڭ ءبىرىنشى كۇنى ءوز ەلدەرىنىڭ تىلىندە ءان ايتادى، سوسىن اپتا الماستىرىپ، قازاق تىلىندە ءان ايتاتىن بولادى. «جىبەك جولى جۇلدىزى»  شوۋىندا سىزدەر، قازاقشا حيتتەر، الەم حيتتەرىن قازاق تىلىندە، جانە قاتىسۋشى ەلدەردىڭ حيتتەرىن دە قازاق تىلىندە دە تىڭداي الاسىزدار.

«جىبەك جولى جۇلدىزى» بۇل ءبىزدىڭ ءتىلىمىزدى، ءبىزدىڭ مادەنيتەمىزدى مۋزىكامىزدى، ونەرىمىزدى بۇكىل الەمگە ايگىلەۋگە كومەك بولاتىن جوبا.

تاعى دا ايتا كەتەيىن، ءبىدىڭ جوبا حالىقارالىق جوبا. سەبەبى قاتىسۋشىلار ءتۇرلى ەلدەردەن كەلگەن، جانە ءادىلقازى القاسى دا سول قاتىسۋشى ەلدەردەن كەلگەن بەلگىلى پروديۋسەرلەر. جالپىلاپ ايتقاندا ءبىز وسى جوبانى جاسار الدىندا ءار زاتقا ۇلكەن ءمان بەردىك. سول سەبەپتەن «I am Singer» جوباسىن جاساپ، الەمگە ديماش قۇدايبەرەنوۆتى تانىستىرعان حۋنان تۆ ارناسىنىڭ وپەراتورلارى، قويۋشى رەجيسسەرلارىن شاقىردىق. ءبىز جوبامىز جايلى ەندى جاريالاعاندا، ونىڭ كوپشىلىكتىڭ قىزىعۋشىلىعىن تۋدىرعاندىعىن بىلدىك. جانە ونى ارمەن قاراي تۇسىرۋگە، اۋيتورياسىن كەڭەيتۋگە دايىنبىز»، - دەيدى جوبا ۇيىمداستىرۋشىلارى.