«ىستانبۇل جوعىرعى سوتى دۇيسەنبى كۇنى تۇركيانىڭ «Cumhuriyet» وپپوزيسيالىق باسىلىمىنىڭ  ءجۋرناليسى كادري گيۋرسەلدى تۇرمەدەن بوساتتى» - دەپ حابارلايدى Qamshy.kz اقپارات اگەنتتىگى.

سوت تۇركيانىڭ ەڭ بەدەلدى جۋرناليستەرىنىڭ ءبىرى گۋرسەلدى 11 ايدان سوڭ بوساتىلعانىنا قاراماستان، ول ءالى دە تەررورلىق توپتارمەن بايلانىستى دەگەن كۇدىكپەن بوستاندىققا شىققان سوڭ دا باقىلاۋدا بولاتىندىعىن مالىمدەدى.

ەلباسى رەجەپ ەردوعاندى تەرەڭ سىنعا العان «Cumhuriyet» گازەتى قىزمەتكەرىنىڭ سوت پروسەسى 31ء-شى قازانعا دەيىن توقتاتىلدى.

وتىز جىل تاجىريبەسى بار جۋرناليست گۋرسەلدى، دۇيسەنبىدە ستامبۇلدىڭ سيلۆي تۇرمەسىنەن رەسمي تۇردە  بوساتقاننان سوڭ، ونى تۋىستارى مەن ارىپتەستەرى قارسى الدى.

 كۇتىپ الۋشىلارعا قاراپ گۋرسەل: «بۇل ەشقانداي دا قۋانارلىق جاعداي ەمەس، سەبەبى، كوپتەگەن «Cumhuriyet» گازەتىنىڭ جۋرناليستەرى جازىقسىز قۋدانالىپ، ادىلەتسىز جازاعا تارتىلىپ جاتىر»- دەدى.

ارداگەر جۋرناليست قاتاڭ ساياسي قىسپاققا قاراماستان جازا بەرۋدى جالعاستىراتىندىعىن ايتتى.

گۋرسەل قاماۋعا الىنعان  ستامبۇلداعى سوت عيماراتىنىڭ جانىندا 200-گە جۋىق ادام جينالعان ەدى، ولار ءجۋرناليستىڭ پورترەتتەرى جانە «جۋرناليستەرگە ارنالعان ەركىندىك» جانە «تاۋەلسىز ءباسپاسوزدى جوققا شىعارۋ مۇمكىن ەمەس» دەگەن ۇراندارى بار باننەرلەرمەن كەلگەن بولاتىن.

P24 باسپا ءسوز بوستاندىعى توبىنىڭ دەرەكتەرى بويىنشا، تۇركيادا 171 جۋرناليست سوتتالعان، ونىڭ كوپشىلىگى 2016 جىلدىڭ 15 شىلدەسىندە توڭكەرىس ارەكەتىنەن سوڭ توتەنشە جاعدايعا بايلانىستى قاماۋعا الىنعان.