رەجيسسەر جانىبەك جەتىرۋوۆ «شىڭىراۋ» ءفيلمىنىڭ مونتاجىن اياقتاپ، ءتۇسىرىلىمنىڭ بىتكەنىن ايتتى،- دەپ جازادى Qamshy.kz اقپارات اگەنتتىگى.  تۋىندى ءابىش كەكىلبايەۆتىڭ بەلگىلى پوۆەسىنىڭ جەلىسىمەن ءتۇسىرىلدى. فيلم ق ر مادەنيەت جانە سپورت مينيسترلىگىنىڭ تاپسىرماسىمەن «قازاقفيلمدە» مونتاجدالدى. 

ءفيلمنىڭ رەجيسسەرى جانىبەك جەتىرۋوۆ: «ءابىش كەكىلبايەۆتىڭ كلاسسيكالىق شىعارماعا اينالعان پوۆەسىنىڭ جەلىسىمەن تۇسىرىلگەن بۇل فيلم فيلوسوفيالىق باعىتتا جانە ول كوپ ادامدى قىزىقتىرا الادى. كوركەمدەۋ مەن اكتەرلەردىڭ كيىمدەرى  جانە رەكۆيزيتتەردىڭ بارلىعى قازاقتىڭ ەتنوگرافيالىق بولمىسىن اڭعارتادى. دراما مەن رومانتيكالىق ساحنادا وتە سۇلۋ دالا پەيزاجىندا تۇسىرىلگەن فيلمدە ماڭعىستاۋ ءوڭىرىنىڭ كوركەم جەرلەرى مەن كاسپيي تەڭىزى بەينەلەنگەن. وعان قوسا، قازاق دالاسىنا ءتان جانۋارلار كورسەتىلگەن تاريحي فيلم كەڭ اۋقىمدى اۋديتورياعا ءساتتى جول تارتادى دەگەن ۇمىتتەمىن. ساراپتامالىق قابىلەتى دامىعان، كلاسسيكانى سۇيەتىن  كەز كەلگەن جاستاعى ادامعا بۇل تۋىندا ايتارلىقتاي قازاقتى بولۋى كەرەك. ول ادام ويىن كەڭىتە الاتىن فيلم كاسىپكەرلەرگە دە قاراپايىم قارا جۇمىسكەرگە دە پايدالى»،-دەدى.

رەجيسسەردىڭ ايتۋىنشا، تۋىندى ماڭعىستاۋدى جان-جاقتى كورسەتىلىپ، سول جەردىڭ تۇرعىندارىنا  قانشاما مۇمكىندىك بارىن كورۋگە كومەكتەسۋگە باعىتتالعان.

بۇل ءفيلمدى ومىرگە اكەلۋ بارىسىندا  وتە كوپ جۇمىستار جاسالدى جانە فيلمدە ونەر كورسەتۋدە 100-گە جۋىق اكتەر كاستينگكە قاتىسقان.

كارتينادا ءار-تۇرلى كەلىسپەۋشىلىكتەر مەن ومىرگە دەگەن كوزقاراستار، ۋاجدەر، وتباسى ارالىق جانجالدار مەن ادامنىڭ وز-وزىمەن ارپالىسۋى جانە ولاردىڭ قوعامعا دەگەن رەنىشى سياقتى ءتۇرلى باعىتتاعى ادامدار اراسىنداعى قارىم-قاتىناستار بەينەلەنگەن.

تۋىندىنىڭ باستى كەيىپكەرلەرى: قۇدىق قازاتىن قارا جۇمىسشى ەڭسەپ پەن ونىڭ كەرەڭ دوسى وسپان جانە ءبىر-بىرىن سۇيەتىن اقمونشاق پەن اسىلحان بار. ولاردى اسىلحان تولەپوۆ، الدابەك شالبايەۆ جانە جاس اكتريسا ايجان جەتىرۋ سومدايدى.

قازىرگى كەزدە ءفيلمنىڭ كومپيۋتەرلىك گرافيكاسى جانە كومپوزيتور ارمان جايىم جاساپ جاتقان مۋزىكالىق ارلەۋى عانا قالدى. رەجيسسەردىڭ ايتۋىنشا، فيلمگە تانىمال كومپوزيتورلاردىڭ كلاسسيكالىق مۋزىكاسى كوبىرەك ارالاسقان.