ليۆيادا لاڭكەستەر ميسراتا قالاسىنداعى سوت عيماراتىنا شابۋىل جاساپ، 3 ادام قازا تاپتى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە بەرىپ. تاعى 35ء-ى جارالاندى. كۋاگەرلەردىڭ ايتۋىنشا، كەشەننىڭ اۋلاسىنا سودىرلار كولىكپەن كىرىپ، ءبىر لاڭكەس ءوزىن جارىپ جىبەرگەن. ال ەكەۋى اۆتوماتتان وق جاۋدىرعان. اتىس كەزىندە لاڭكەستەردىڭ كوزى جويىلدى.

شابۋىلدى «يراك جانە ليەۆانت» لاڭكەستىك ۇيىمى موينىنا العان. اسكەريلەر لاڭكەستەر بۇل شابۋىلدى ميسراتا جاساقتارىنىڭ سيرت قالاسىن ازات ەتۋ وپەراسياسىنا قاتىسقانى ءۇشىن جاساۋى مۇمكىن دەيدى.

ايتا كەتەيىك، ليۆيادا مۋاممار كاددافي بيلىگى قۇلاعاننان كەيىن ەلدىڭ اۋماعى بولشەكتەنىپ، ءتۇرلى قارۋلى توپتار كوبەيدى. ال ەل استاناسى تريپولي ايماعى حالىقارالىق قاۋىمداستىق تانىعان فايز سارادج باسشىلىق ەتەتىن ۇلتتىق كەلىسىم ۇكىمەتىنىڭ باقىلاۋىندا. ءبىراق بۇل ۇكىمەتتىڭ بيلىگى تەك وسى اۋماقپەن عانا شەكتەلىپ وتىر.