ۇكىمەت ۇيىندە ق ر پرەمەر-مينيسترى باقىتجان ساعىنتايەۆتىڭ قاتىسۋىمەن باسەكەگە قابىلەتتىلىك جونىندەگى ساراپتاما كەڭەسىنىڭ كەزەكتى وتىرىسى ءوتتى.

بۇل تۋرالى ق ر پرەمەر-مينيستردىڭ باسپا ءسوز قىزمەتى حابارلايلى.

وتىرىس بارىسىندا Yellow Pages Rule قاعيدالارىن ىسكە اسىرۋ تەتىكتەرىن جەتىلدىرۋ ماسەلەلەرى، كورپوراتيۆتىك باسقارۋدى جاقسارتۋ شارالارى مەن نەگىزگى قۇرالداردى جاڭارتۋدى ىنتالاندىرۋعا، وندىرىستەردى جاڭعىرتۋعا، سونداي-اق ءتورتىنشى ونەركاسىپتىك ريەۆوليۋسيا ەلەمەنتتەرىن ەنگىزۋگە باعىتتالعان شارالار جۇيەسى تالقىلاندى.

ايتا كەتەيىك، 2015 جىلدىڭ كوكتەمىندە Yellow Pages Rule قاعيدالارىن بەكىتەتىن زاڭ قابىلداندى. «سارى بەتتەر ەرەجەسى» - بيزنەستى مەملەكەتتىك ورگانداردىڭ باسەكەلەستىكتى شەكتەيتىن ءىس-قيمىلدارىنان ءتيىمدى قورعاۋعا ارنالعان. سونىمەن قاتار، ەگەر باسەكەلەستىكتى شەكتەۋ تۇرعىسىنان بولعان جاعدايدا، مەملەكەتتىڭ قاتىسۋىمەن بيزنەس قۇرۋعا تىيىم سالاتىن نورما تىركەلگەن.