ءال-فارابي اتىنداعى قازاق ۇلتتىق ۋنيۆەرسيتەتىندە كورنەكتى مەملەكەت قايراتكەرى، ادەبيەت سىنشىسى، جازۋشى-پۋبليسيست ساعات اشىمبايەۆتىڭ 70 جىلدىعىنا ارنالعان "ۇلتتىق ينتەلليگەنسيا: قارىز بەن پارىز" حالىقارالىق عىلىمي-پراكتيكالىق كونفەرەنسيا وتۋدە، — دەپ حابارلايدى Qamshy.kz اقپارات اگەنتتىگى. 

كونفەرەنسيادا ءال-فارابي اتىنداعى قازۇۋ رەكتورى عالىمقايىر مۇتان ۇلى ءسوز باستاپ، جاستارعا "قارىز بەن پارىز" ولەڭىن وقىپ بەردى. سونىمەن بىرگە قارا شاڭىراق مۇراعاتىندا ساقتالعان ساعات اشىمبايەۆتىڭ قۇجاتتارىن قوعام قايراتكەرىنىڭ جارى ءشاربانۋ قوناقبايقىزىنا تابىستادى. 

الماتى قالاسى اكىمىنىڭ ورىنباسارى ارمان ورازباي ۇلى قازىرگى قازاق ادەبيەتىندەگى سىننىڭ سىن كوتەرمەيتىنىن تىلگە تيەك ەتىپ، ساعات اشىمبايەۆتىڭ ورنى ويسىراپ تۇرعانىن ايتتى. قازاق ادەبيەتىنىڭ سىنىنا تەلەجۋرناليستيكانىڭ قوسقان ۇلەسىن ايتىپ، "قارىز بەن پارىز" تەلەجوباسىنىڭ قوعامدا العان ورنىن ءسوز ەتتى.

ق ر پارلامەنتى سەناتىنىڭ دەپۋتاتى قۋانىش سۇلتان ۇلى ساعات اشىمبايەۆپەن وتكەن كۇندەردى ەسكە الىپ، سىنشىنىڭ جاستارعا ارتقان سەنىمىن دە ەسكەرتتى. 

سونىمەن قاتار، كونفەرەنسيادا جازۋشى نۇرلان ورازالين مەن سماعۇل ەلۋباي، ادەبيەت سىنشىسى قۇلبەك ەركوبەك قوناق بولىپ، ءسوز سويلەدى.

جيىن سوڭىنا قاقاراي ەكونوميست، قوعام قايراتكەرى، ءماجىلىس دەپۋتاتى، قازاقستان رەسپۋبليكاسى پارلامەنتى ءماجىلىسىنىڭ V شاقىرىلىمىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ساعات اشىمبايەۆتىڭ ۇلى ماۋلەن ساعاتحان ۇلى اشىمبايەۆ ۇيىمداستىرۋشىلارعا ءوز العىسىن ءبىلدىردى. 

ساعات اشىمبايەۆ اتىنداعى ستيپەنديا يەگەرى، قازۇۋ جۋرناليستيكا فاكۋلتەتىنىڭ 3-كۋرس ستۋدەنتى ءوزىنىڭ ارناۋ ولەڭىن وقىدى.