ميانما رەسپۋبليكاسىندا مۇسىلمان روحيندجالارعا قارسى گەنوسيد ءالى دە جالعاسۋدا،— دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. بۇل تۋرالى اراكان روحيندجالىق مۇسىلمان كەڭەسى حابارلادى.

61 ۇكىمەتتىك ەمەس ۇيىمنىڭ باسىن بىرىكتىرگەن كەڭەس جەتەكشىلەرى ميانما بيلىگىنەن اراكان پروۆينسياسىنداعى يسلام ءدىنىن ۇستاناتىن روحينجدا مۇسىلماندارىنىڭ قۇقىقتارىن قورعاۋعا، ولار ورنالاسقان اۋىلداردى بۇزۋعا جول بەرمەۋگە شاقىردى. كەڭەس مالىمدەمەسى بويىنشا، اراكانعا جەتكىزىلۋى ءتيىس گۋمانيتارلىق كومەك كولىكتەرىنە توسقاۋىل قويىلماۋىن قامتاماسىز ەتۋ ماسەلەسى دە جازىلعان.

ەسكە سالا كەتەتىن بولساق، ميانمادا مۇسىلمان روحينجدالار 1970 جىلدان بەرى ءارتۇرلى شابۋىلدارعا ۇشىراپ كەلەدى. ميانمادا تۇراتىن 2 ميلليون مۇسىلماننىڭ 80%-ى كورشى ەلدەرگە باس ساۋعالاپ كەتكەن. قازىرگى كۇندە ەلدە 300 مىڭ مۇسىلمان قالعان.