بريتاندىق ايرىقشا Matchless London برەندى وزدەرىنىڭ العاشقى كاپسيۋلدى توپتاماسىنداعى كۇرتەنى رەسەي پرەزيدەنتى ۆلاديمير پۋتينگە ارناپ شىعاردى. Business Of Fashion باسىلىمى توپتاماداعى ءاربىر كۇرتەشە 1699 دوللار تۇراتىندىعىن ايتتى،-دەپ جازادى Qamshy.kz اقپارات اگەنتتىگى.

«قاھارمان» اتالاتىن توپتاما 2018 جىلدىڭ قاڭتارىنان باستاپ ساتىلىمعا شىعارىلادى. وعان قوسا بۇل توپتامادا بريۋس ۋەين (بەتمەن)، «جۇلدىزدى جاۋىنگەرلەردەگى» حان سولو سىندى قاھارماندارعا ارنالعان سىرت كيىمدەر دە بار.

«ءبىز رەسەي پرەزيدەنتى ۆلاديمير ءپۋتيندى قازىرگى زاماننىڭ قاھارمانى دەپ بىلەمىز. سوندىقتان ونىڭ مىقتى مىنەزى مەن برۋتالدى يميدجىنە، ءازىل-وسپاقتى تۇسىنە ءبىلۋ قابىلەتى مەن الەمدىك ليدەر رەتىندەگى سابىرلىلىعىنا باس يەمىز»،- دەدى Matchless London-نىڭ ديرەكتورى  مانۋەل مالەنوتتي .

Matchless London بەلگىسى 1899 جىلى نەگىزى قالانىپ، العاشىندا موتوسيكل شىعارۋمەن اينالىسقان. ال 1920 جىلى موتوسيكل جۇرگىزۋشىلەرىنە ارنالعان كۇرتەشەلەر تىگۋمەن بولسا، حح عاسىردىڭ ورتاسىندا جوعارى دەڭگەيدەگى ۋتيليتارلى كيىمدەر شىعارۋمەن تانىلا باستادى.