امەريكالىق سەناتور، حالىقارالىق ىستەر كوميتەتىنىڭ باسشىسى بوب كوركەر ءوزىنىڭ سۇحباتىندا اقش پرەزيدەنتى دونالد ترامپتىڭ وزگە ەلدەردى قورقىتۋى ءۇشىنشى دۇنيەجۇزىلىك سوعىسقا اكەپ سوعۋى ابدەن مۇمكىن ەكەندىگىن ايتتى، دەپ حابارلايدى Qamshy.kz اقپارات اگەنتتىگى New Youk Times باسىلىمىنا سىلتەمە جاساپ.

سەناتوردىڭ ايتۋىنشا، ترامپ ءوزىنىڭ اق ۇيدەگى قىزمەتىنە رەاليتي-شوۋدىڭ قاتىسۋشىسى رەتىندە قارايدى. «ول مەنى ۋايىمداتادى. دونالد ترامپ اقش حالقىنىڭ ءبارىن ۋايىمداتادى»، - دەيدى سەناتور.

بوب كوركەر سونىمەن قاتار اق ءۇي باسشىسىنىڭ Twitter جەلىسىندەگى جازبالارىنا قاتىستى دا نارازىلىق ءبىلدىردى، ترامپ ءوزىنىڭ جازبالارى ارقىلى اقش-تىڭ ديپلوماتيالىق قابىلەتىن نۇقسان كەلتىردى دەپ ايىپتادى.

بۇعان دەيىن بوب كوركەر 2018 جىلى وتەتىن ارالىق سايلاۋدا ءۇشىنشى التى جىلدىق مەرزىمگە قايتا سايلانبايتىنىن مالىمدەگەن بولاتىن. دونالد ترامپ سەناتوردىڭ بۇل شەشىمىنە قاتىستى: «سەناتور سايلاۋعا قاتىسۋعا قابىلەتى جەتپەيدى»، - دەپ پىكىر بىلدىرگەن بولاتىن.

سونىمەن قاتار، اقش پرەزيدەنتى كوركەردىڭ مەملەكەتتىك حاتشى قىزمەتىنە سايلانۋ ۇسىنىسىنان باس تارتقان جانە دە بوب كوركەردى يرانمەن يادرولىق كەلىسىمگە قاتىستى دەپ ايىپتاعان.

ترامپتىڭ بۇل حاتىنا كروكەر بىلاي دەپ جاۋاپ بەردى: «اق ءۇي – ۇلكەن ادامدارعا ارنالعان بالاباقشاعا اينالىپتى».

سوڭعى ۋاقىتتاردا ۆاشينگتون پحەنيانعا قاتىستى ءتۇرلى مالىمدەلەر ايتىپ ءجۇر. اقش پرەزيدەنتى دونالد ترامپ كحدر-عا قاتىستى: « ەگەر ول اقش-قا ءقاۋىپ توندىرەتىن بولسا، كحدر-نى تۇگەلىمەن جوق قىلىپ جىبەرەمىن» دەپ ايتقان بولاتىن. وعان جاۋاپ رەتىندە سولتۇستىك كورەيا باسشىسى كيم چەن ىن امەريكاعا قارسى تاريحتا بولماعان شارالار قابىلداۋعا ۋادە ەتكەن ەدى.