اقش ۋاقىتشا تۇركيا اۋماعىندا ۆيزا بەرۋدى توقتاتتى. بۇل جايىندا Qamshy.kz اقپارات اگەنتتىگى Bloomberg مالىمەتىنە سۇيەنىپ حابارلايدى.

اتالعان جاعداي ەكى ەل اراسىندا 4ء-شى قازاندا ورىن العان كەلەڭسىزدىك سالدارىنان باستاۋ العان. تۇركيا بيلىگى ىستانبۇلداعى اقش ەلشىلىگىنىڭ قىزمەتكەرىن فەتحۋللاح گۇلەنمەن بايلانىسى بار دەگەن كۇدىكپەن  تۇتقىنداعان. كۇدىكتى سوت شەشىمى بويىنشا تۇركيا ۇكىمەتى مەن ەلدەگى كونستيتۋسيالىق ءتارتىپتى «جويۋعا» ارەكەتتەنگەن جانە تىڭشى دەگەن ايىپ بويىنشا تۇتقىنعا الىنعان.

ۆاشينگتون انكارانىڭ بۇل ارەكەتىن ەكى جاقتى قارىم-قاتىناسقا سىزات تۇسىرەتىن نەگىزسىز قادام دەپ ايىپتادى.

تۇركياداعى اقش ەلشىلىگىنىڭ انىقتاماسىندا سوڭعى ۋاقىتتاعى كەلەڭسىز جاعدايلار ديپلوماتيالىق مەكەمەلەردەگى قىزمەتكەرلەردىڭ قاۋىپسىزدىگىنە كوڭىل بولۋگە يتەرمەلەگەنى ايتىلعان.

تۇركيا پرەزيدەنتى رەجەپ ەردوعان انكارانىڭ پرينسيپكە سۇيەنىپ اقش سەكىلدى ۆيزا بەرۋدى توقتاتاتىنىن مالىمدەدى. بۇل جايىندا تۇركيا پرەزيدەنتى ۋكراينا پرەزيدەنتى پەتر لۋكاشەنكومەن وتكەن كەزدەسۋدەن كەيىن حابارلادى.

ەردوعاننىڭ مالىمدەۋىنشە، تۇركينيانىڭ سىرتقى ىستەر مينيسترلىگى اقش وكىلدەرىنە جۇگىنىپ،  اتالمىش ماسەلەنىڭ شەشىمىن تابۋعا تىرىسقان.

«انكارا ەلشىلىگى اتالمىش شەشىمدى قابىلداعانى ءبىزدى قىنجىلتادى. تۇركيا – قۇقىقتىق مەملەكەت.  ءبىز تايپا نەمەسە تايپالىق مەملەكەت ەمەسپىز. اقش قانداي شەشىم قابىلداسا، مىندەتتى تۇردە جانە دەرەۋ، تۇركيا دا ءدال سونداي شەشىم شىعارا الادى» دەپ مالىمدەدى تۇركيا پرەزيدەنتى.

ايتا كەتسەك، 9 قازاندا تۇركيا بيلىگى اقش ەلشىلىگىنىڭ تاعى ءبىر قىزمەتكەرىن تۇتقىنداۋعا شەشىم شىعاردى.