بۇگىن ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسى بارىسىندا سيفرلىق ەكونوميكاعا ماماندار دايارلاۋ شارالارى تالقىلاندى، دەپ جازادى Qamshy.kz اقپارات اگەنتتىگى.

ءبىلىم جانە عىلىم ءمينيسترى ەرلان ساعادييەۆ ورتا ءبىلىم بەرۋدەگى ات-قۇزىرەتتىلىكتى ارتتىرۋ اياسىندا مەكتەپتەردە «روبوت تەحنيكاسى» تاڭدامالى كۋرسى ەنگىزىلەتىنىن باياندادى. 2016–2017 وقۋ جىلىندا روبوت تەحنيكاسى بويىنشا 372 ۇيىرمە، سونداي-اق 397 مەكتەپتە 397 روبوت تەحنيكاسى كابينەتى اشىلدى. 2 500 ينفورماتيكا ءمۇعالىمى روبوت تەحنيكاسى، روبوت تەحنيكاسىن جۇزەگە اسىرۋ جاعدايىندا ات بويىنشا تەوريالىق جانە سىنىپتان تىس جۇمىستاردى ۇيىمداستىرۋدىڭ ەرەكشەلىكتەرى بويىنشا بىلىكتىلىكتى ارتتىرۋ كۋرستارىنان ءوتتى.

تەحنيكالىق جانە كاسىپتىك ءبىلىم بەرۋدەگى ات-قۇزىرەتتىلىكتى ارتتىرۋ اياسىندا اعىمداعى جىلى جۇمىس بەرۋشىلەردىڭ ۇسىنىستارى بويىنشا «اقپاراتتىق قاۋىپسىزدىك» جاڭا ماماندىعى قوسىلدى. بۇل ماماندىق بويىنشا قابىلداۋ 2018 جىلدىڭ 1 قىركۇيەگىنەن باستالادى.

قازىرگى ۋاقىتتا تەحنيكالىق جانە كاسىپتىك ءبىلىم بەرۋ ۇيىمدارىندا ەكى ماماندىق اياسىندا «ينفورماتيكا جانە ەسەپتەۋ تەحنيكاسى» باعىتى بويىنشا وقىتۋ جۇرگىزىلىپ جاتىر: «ەسەپتەۋ تەحنيكاسى جانە باعدارلامالىق قامتاماسىز ەتۋ (تۇرلەرى بويىنشا)»، ول سەگىز قۇزىرەتتەن تۇرادى، جانە «اقپاراتتىق جۇيەلەر (قولدانۋ سالالارى بويىنشا)» — ءۇش قۇزىرەت.

اقپاراتتىق تەڭسىزدىكتى ازايتۋ باعدارلاماسى اياسىندا 9،7 مىڭنان استام وقىتۋشى مەن وندىرىستىك وقىتۋ شەبەرلەرى بىلىكتىلىكتى ارتتىرۋدان ءوتتى. «Nurecom LTD» كومپانياسىنىڭ  دەمەۋشىلىك كومەگىمەن Pasco، Boxford، Promethean، LG شەتەلدىك كومپانيالارىندا 360 وندىرىستىك وقىتۋ شەبەرى مەن ارنايى پاندەردىڭ وقىتۋشىلارى بىلىكتىلىكتى ارتتىرۋدان ءوتتى جانە حالىقارالىق سەرتيفيكات الدى.   

بارلىق 16 وڭىردە ينتەراكتيۆتى ءبىلىم بەرۋ جابدىعىن قولدانۋ بويىنشا وقۋ ورتالىقتارى قۇرىلدى، وندا 3 564 استام ينجەنەرلىك-پەداگوگيكالىق قىزمەتكەر بىلىكتىلىكتى ارتتىرۋدان ءوتتى.

بارلىعى ركك روگالاند (نورۆەگيا)، In Went (گەرمانيا)، GTZ (گەرمانيا) حالىقارالىق جوبالارى اياسىندا 360 پەداگوگيكالىق قىزمەتكەر جەتەكشى شەتەلدىك وقۋ ورتالىقتارىندا بىلىكتىلىكتەرىن ارتتىردى.

سونداي-اق، وندىرىستىك وقىتۋ وقىتۋشىلارى مەن شەبەرلەرى ونلاين رەجيمىندە كاسىبي شەبەرلىك ساباقتارىن جۇرگىزەدى. پورتالدا (elp.kz) ونلاين ساباقتاردىڭ، تجانەكب وقىتۋشىلارىنىڭ مالىمەتتەر بازاسى قۇرىلدى.

ات-قۇزىرەتتىلىكتى ارتتىرۋ سالاسىندا جوعارى ءبىلىم بەرۋدە كادرلار دايارلاۋ كەلەسى ماماندىقتار بويىنشا جۇرگىزىلەدى: 84 جوو-دا «ينفورماتيكا»، «اقپاراتتىق جۇيەلەر»، «اۆتوماتتاندىرۋ جانە باسقارۋ»، «ەسەپتەۋ تەحنيكاسى جانە باعدارلامالىق قامتاماسىز ەتۋ»، «ماتەماتيكالىق جانە كومپيۋتەرىك مودەلدەۋ»، «راديوتەحنيكا، ەلەكترونيكا جانە تەلەكوممۋنيكاسيا» جانە جەتى جوو-دا «اقپاراتتىق قاۋىپسىزدىك جۇيەلەرى».  

«بولاشاق» ستيپەندياسى اياسىندا «اقپاراتتىق تەحنولوگيالار جانە جۇيەلەر» باعىتى بويىنشا 951 ادام جانە تۇلەكتەردىڭ جالپى سانىنىڭ 10،1% وقىتۋدان ءوتتى، ونىڭ ىشىندە باعدارلامالار بويىنشا: باكالاۆريات — 510، ماماندانىم — 20، ماگيستراتۋرا — 386، دوكتورانتۋرا — 6، تاعىلىمداما — 29. قازىرگى ۋاقىتتا 59 ادام «اقپاراتتىق تەحنولوگيالار جانە جۇيەلەر» باعىتى بويىنشا اقش، ۇلىبريتانيا، يرلانديا، نيدەرلاندى، سينگاپۋر، اۆستراليا، كانادا، گەرمانيا، جاپونيا جانە رەسەيدە ماگيستراتۋرا باعدارلامالارى بويىنشا وقىپ جاتىر.  

2016 جىلدان باستاپ باكالاۆريات ستاندارتىنا جالپى ءبىلىم بەرۋ پاندەرى سيكلىنىڭ مىندەتتى كومپونەنتىنە «اعىلشىن تىلىندە اقپاراتتىق-كوممۋنيكاسيالىق تەحنولوگيالار» ءپانى ەنگىزىلدى. وسىعان بايلانىستى اتالعان ءپان بويىنشا بازالىق وقۋلىق ازىرلەندى. جوو-لاردىڭ ينفورماتيكا بويىنشا ءۇش ءجۇز وقىتۋشىسى كۇشەيتىلگەن تىلدىك كۋرستاردان ءوتتى.

جوو-لاردىڭ ءبىلىم بەرۋ باعدارلامالارىن جوو-لار ارەكەتتەگى ستاندارتتار اياسىندا وزدەرى ازىرلەيدى. سونىمەن قاتار، ءبىلىم بەرۋ باعدارلامالارىن ازىرلەۋگە شەتەلدىك سەرىكتەس-جوو-لار جانە جۇمىس بەرۋشىلەر تارتىلادى. 2015 جانە 2016 جىلدارى ييدمب-گە قاتىسۋشى 11 بازالىق جوو 48 يننوۆاسيالىق ءبىلىم بەرۋ باعدارلاماسىن ازىرلەدى.

2017–2018 وقۋ جىلىنىڭ باسىنان بەرى بارلىق جوو-لار ات سالاسىنداعى 10 بەكىتىلگەن كاسىپتىك ستاندارتتاردى ەسكەرە وتىرىپ، ءبىلىم بەرۋ باعدارلامالارىن جاڭارتتى. سونداي-اق، ونلاين رەجيمدە وقىتۋ كەڭىنەن تارالىپ كەلەدى.