گوللاندىق Zembla تەليەۆيزيالىق باعدارلاماسى سىبايلاس جەمقورلىق پەن ۇيىمداسقان قىلمىستى زەرتتەۋ ورتالىعىمەن بىرلەسىپ اقش پرەزيدەنتى دونالد ترامپتىڭ بۇرىنعى بيزنەس سەرىكتەسى فەليكس ساتەر، الماتىنىڭ ەكس-اكىمى ۆيكتور حراپۋنوۆتىڭ وتباسى مەن بتا بانكتىڭ بۇرىنعى باسشىسى مۇحتار ءابليازوۆتىڭ بايلانىسى جايىندا دەرەكتى فيلم ءتۇسىردى. بۇل تۋرالى Tengrinews.kz پورتالىنىڭ ءتىلشىسى ءمالىم ەتتى، دەپ جازادى Qamshy.kz اقپارات اگەنتتىگى. 

فيلم اۆتورلارى تۇسىرىلىمدەر ءۇشىن كيپر، بەليز، نيدەرلاند، ۋكراينا، قازاقستان جانە اقش ەلدەرىندەگى كومپانيالاردىڭ، سونداي-اق سوت وتىرىستارىنىڭ قۇجاتتارىن، سونداي-اق سۇحباتتاردى زەرتتەگەن. كارتينا اۆتورلارىنىڭ حابارلاۋىنشا، Bayrock كومپانياسى مەن ساتەر مەن حراپۋنوۆتىڭ بىرلەسكەن كاسىپورىنى – كازبەي اقشانى جىلىستاتۋعا ارنالعان سحەماعا قاتىسى بار دەپ ايىپتالدى. بۇدان بولەك مۇحتار ءابليازوۆ پايدالانعان گوللاندىق كومپانيانىڭ دا ءرولى قارالدى.

سونداي-اق ساتەر مەن حراپۋنوۆتىڭ ميلليون دوللارعا مامىلە جاساعان ءساتى ايتىلدى. كارتيناعا سايكەس، قازاقستاندىق بيلىك حراپۋنوۆتىڭ سحەماسىنىڭ ارقاسىندا ءابليازوۆتىڭ دا قارجىسى تازارتىلعانىن مالىمدەگەن.