مارات وسپانوۆ اتىنداعى باتىس قازاقستان مەملەكەتتىك مەديسينالىق ۋنيۆەرسيتەتىنىڭ 2 كۋرس ستۋدەنتى ەسەت نۇرداۋلەت وقۋ ورنىندا قازا بولدى. ول جالپى مەديسينا فاكۋلتەتىندە ءبىلىم العان، دەپ حابارلايدى Qamshy.kz اقپارات اگەنتتىگى Aktobenews.kz سايتىنا سىلتەمە جاساپ.

مەديسينالىق ۋنيۆەرسيتەتتىڭ 60 جىلدىعىنا ارنالعان كونفەرەنسيا كەزىندە 2 كۋرس ستۋدەنتى قازا بولدى. دەمىكپە دەرتىنە شالدىققان ەسەت نۇرداۋلەت سول كۇنى مەرەكەلىك شاراعا قاتىسىپ، حوردا ءان ايتۋى ءتيىس بولعان.

الەۋمەتتىك جەلىدەگى «يا ستۋدەنت — زكگمۋ» پاراقشاسىندا بەيتانىس سول كۇنگى وقيعانى بايانداعان. حاتتا مەديسينالىق ۋنيۆەرسيتەت ىشىندە جەدەل جاردەم بريگاداسى بولعانى، ءبىراق ولاردا دەفيبريللياتور (جۇرەك اريتمياسىنا قارسى ەلەكتروندى قۇرىلعى) بولماعانىن جازعان. بار بولعانى 15 مينۋتتا ەسەت نۇرداۋلەت قازا بولعان.

جازبا اۆتورى بۇل شىندىقتى ءبارى ءبىلۋى كەرەك دەپ سانايدى.