بىرنەشە الماتىلىق بويجەتكەن پوليسيا قىزمەتىنە اقشالارىن جىمقىرىپ، جوعالىپ كەتكەن ەركەكتىڭ ۇستىنە ارىزداندى،- دەپ Qamshy.kz اقپارات اگەنتتىگى Patrul.kz سايتىنا سىلتەمە جاساپ حابارلايدى.

«ايەل قۇلاقپەن سۇيەدى دەگەن» ماقالدى الماتىلىق قىزدار تاعى دا دالەلدەدى. سۇيگەنىنە قوسىلىپ، وتباسىن قۇرىپ، بالا ءسۇيۋدى ارمانداعان بىرنەشە الماتىلىق قىز ءار نارسەگە ءبىر نانا بەرمەۋ كەرەك ەكەندىگىن وزدەرىنىڭ ومىرلىك تاجىريبەسىنەن كوردى. تارتىمدى ەر ازامات ولارمەن تانىسىپ، از ۋاقىت اراسىندا وتباسىن قۇرۋعا دايىن ەكەندىگىن بىلدىرگەن. ءسوزىنىڭ جانى بار ەكەندىگىن اڭعارتۋ ماقساتىندا قىزداردى وتباسىمەن تانىستىرعان. وعان قوسا، قىمبات ءدامحانالار مەن بارلاردا كوڭىل كوتەرۋ دە تىس قالماعان. الاياق ءوزىن لاۋازىمى جوعارى ازامات رەتىندە ۇستاعان.

وسىنداي تاسىلدەرمەن ەركەككە الدانىپ قالعان قىزدار، ميلليونداعان قارجىنى ءار ءتۇرلى وتىرىكتەرگە سەنىپ تابىستاپ وتىرعان. ماسەلەن، ەركەك ولارعا «لاۋازىمدى جۇمىسقا تۇرعىزامىن، ءۇي، كولىك ساتىپ الامىن» دەپ اقشا سۇراعان.

وزىنە كەرەكتى سومانى العان ەركەك تاسادان تىس جوعالىپ كەتىپ وتىرعان. وزدەرىنىڭ الدانىپ قالعانىن بىلگەن قىزدار پوليسياعا ارىزدانعان. بۇل قىلمىس بويىنشا، 6 ءىس قوزعالعان. ولار المالى جانە اۋەزوۆ اۋداندىق ءىىد –دە تەرگەلۋدە.

كۇدىكتىنىڭ ەسىمى تالعات اپۋشيەۆ، ەگەر وسىنداي جاعدايدا الدانعاندار بولسا پوليسياعا حابارلاسۋدى سۇرايمىز.