قوستاناي وبلىسى فەدوروۆ اۋدانىنىڭ پەرۆوماي ورتا مەكتەبى مەن جەرگىلىكتى بالاباقشا جانە اۋىلدىق مادەنيەت ۇيىندە مۋزىكا ءپانىنىڭ ءمۇعالىمى بولىپ جۇمىس ىستەگەن 40 جاستاعى لەنونيد كراۆسوۆ 17 جىلعا سوتتالدى. وعان 14 جاسقا تولماعان جاسوسىپىردەردى جىنىستىق قاتىناسقا يتەرمەلەگەنى ءۇشىن ايىپ تاعىلعان، دەپ حابارلايدى Baq.kz -كە سىلتەمە بەرىپ Qamshy.kz اقپارات اگەنتتىگى.
اتالمىش ءىس قوستاناي وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالىپ، قىلمىسكەرگە ۇكىم كەسىلدى.
«سوت كراۆسوۆقا 17 جىل بەردى. ونىڭ ءىسى بويىنشا ءۇش جابىرلەنۋشى بولعانىن ايتا كەتكەن ءجون. سوتقا كەلىپ تۇسكەن ءىس ماتەريالدارى بويىنشا سوتتالۋشى 2017 جىلدىڭ 17 ماۋسىمىندا اۋىلدىق مادەنيەت ۇيىنە 6 مەن 10 جاس ارالىعىنداعى كىشكەنتاي قىزداردى الداپ كىرگىزىپ الىپ، شەشىندىرىپ، ارام ويىن ىسكە اسىرماق بولعان»، – دەيدى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءتوراعاسى ەرلىك سەرالين.
سونداي-اق، سوت ۇكىمى بويىنشا ءىستى بولعان كراۆسوۆقا ءومىر بويى پەداگوگيكالىق قىزمەتپەن اينالىسۋعا تىيىم سالىنىپ وتىر.
پىكىر قالدىرۋ