الماتى قالاسى بوستاندىق اۋدانى اكىمدىك اپپاراتىنىڭ قولداۋىمەن 12 قازاندا ورتالىق ازيا ۋنيۆەرسيتەتىندە بەلگىلى قوعام قايراتكەرلەرى، تاريحشىلار جانە اتالمىش وقۋ ورنىنىڭ ستۋدەنتتەرىنىڭ قاتىسۋىمەن لاتىن الىپبيىنە كوشى ماسەلەسىن تالقىلاۋعا ارنالعان جيىن وتكىزىلدى، دەپ حابارلايدى Qamshy.kz اقپارات اگەنتتىگى.

قازىرگى تاڭدا قوعامدا قىزۋ تالقىلانىپ جۇرگەن بۇگىنگى كۇن ءتارتىبىنىڭ ەڭ باستى ماسەلەسى رەتىندە قازاق ءتىلىن لاتىن قارپىنە كوشىرۋ ماسەلەسىن ايتۋعا بولادى.

ەلباسى ءوزىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا: «قازاق ءتىلىن لاتىن الىپبيىنە كوشىرۋ جۇمىستارىن باستاۋىمىز كەرەك. ءبىز بۇل ماسەلەگە نەعۇرلىم دايەكتىلىك قاجەتتىلىگىن تەرەڭ ءتۇسىنىپ، بايىپپەن قاراپ كەلەمىز جانە وعان كىرىسۋگە تاۋەلسىزدىك العاننان بەرى مۇقيات دايىندالدىق»، - دەپ اتاپ وتكەن بولاتىن.

بۇگىنگى وتكەن ءىس-شارا ەلباسىنىڭ وسى ماسەلەگە قاتىستى ارنايى قۇرىلعان رەسپۋبليكالىق جۇمىس توبىن قاداعالاعان كەزدە اتالعان ماسەلەنى حالىق اراسىندا تالقىلاپ، كوپشىلىكتىڭ پىكىرىن ەسكەرۋ قاجەت دەگەن تاپسىرماسى بويىنشا اتالمىش وقۋ ورىنىنىڭ ستۋدەنتتەرىمەن لاتىن الىپبيىنە كوشۋ ماسەلەسىن تالقىعا سالىپ، جاستاردىڭ پىكىرىن سارالاۋ ماقساتىندا ۇيىمداستىرىلدى.

بوستاندىق اۋدانى ىشكى ساياسات ءبولىمىنىڭ باسشىسى بەكزات قالي ۇلى مۇنداي جيىنداردىڭ وتە ماڭىزدى جانە دە بولاشاقتا بۇلار ءالى جالعاسىن تاباتىندىعىن ايتا وتىرىپ، لاتىن ءالىپبيى قازىرگى تاڭدا قوعامدا ەڭ كوپ تالقىلانىپ جاتقان وزەكتى ماسەلە ەكەندىگىن ايتىپ ءوتتى.

«بۇگىنگى ءىس-شارا بوستاندىق اۋدانى اكىمدىك اپپاراتىنىڭ ۇيىتقى بولۋىمەن ۇيىمداستىرىلىپ وتىر. قازىرگى قوعامدا قىزۋ تالقىلانىپ جاتقان قازاق ءالفاۆيتىن لاتىن قارپىنە كوشىرۋ ماسەلەسى بولىپ وتىر. بۇل جايىندا پرەزيدەنت جىلدىڭ باسىندا شىققان «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتقان بولاتىن. وسىعان وراي، بوستاندىق اۋدانىندا ءار ءتۇرلى مەكەمەلەردە، ۋنيۆەرسيتەتتەردە، حالىق اراسىندا ەلدىڭ پىكىرىن ءبىلۋ ماقساتىندا ءتۇرلى ءىس-شارالار، جيىندار وتكىزىلىپ، جان-جاقتى تالقىلانىپ جاتىر»، - دەيدى بەكجان قالي ۇلى.

سونىمەن قاتار، ىشكى ساياسات باسقارماسىنىڭ باسشىسى ەلباسىعا تانىستىرىلعان لاتىن ءالىپبيىنىڭ جوباسى جايىندا دا ءوز پىكىرىن ايتىپ، ونى پايدالانۋعا قولايلى دەپ اتاپ ءوتتى.

«جۋىردا عانا لاتىن قارپىنە كوشۋ ماسەلەسىنە جاۋاپتى رەسپۋبليكالىق جۇمىس توبى ەلباسىعا سوڭعى نۇسقانى تانىستىرعان بولاتىن. ق ر پرەزيدەنتى ءوز سوزىندە «حالىقتىڭ پىكىرىمەن ساناسىپ، ەلدىڭ كوڭىلىنەن شىعاتىن نۇسقاسىن قابىلداۋ كەرەك» دەپ ايتقان بولاتىن. بۇگىنگى جيىن دا وسى ماقساتتا وتكىزىلىپ جاتىر. جانە دە مۇنداي جۇمىستار الداعى ۋاقىتتا ءوز جالعاسىن تاباتىن بولادى»، - دەيدى بەكجان قالي ۇلى.

بۇگىنگى جيىندا ستۋدەنتتەر وسى ءىس-شاراعا قاتىسقان ماماندارعا وزدەرىنىڭ ساۋالدارىن جولداپ، لاتىن ءالىپبيىنىڭ نۇسقالارى جايىندا ءبىرشاما مالىمەت الدى.

نازەركە لابيحان