المازبەك اتامبايەۆتىڭ 2017 جىلدىڭ ماۋسىم ايىندا رەسەيگە جاساعان مەملەكەتتىك ساپارى كەزىندە رەسەيگە قىرعىزستاننىڭ قارىزدارىن مەرزىمىنەن بۇرىن جانە ءبىر رەتتىك شىعارۋ تۋرالى حاتتاماعا قول قويىلدى، دەپ حابارلايدى Qamshy.kz اقپارات اگەنتتىگى. بۇل پارلامەنتكە ۇسىنىلعان حاتتامانى راتيفيكاسيالاۋ تۋرالى زاڭ جوباسىندا ايتىلعان.

زاڭ جوباسىنىڭ باستاماشىسى - قارجى مينيسترلىگى 2012 جىلى رەسەي فەدەراسياسى قىرعىزستاننىڭ 488،9 ملن.دوللارى مولشەرىندەگى بارلىق قارىزدارىن ەسەپتەن شىعارۋعا كەلىستى دەپ ءتۇسىندىردى. 2013 جىلى رەسەي 188،9 ملن.دوللار قارىزىن كەشىرگەن بولاتىن. كەلىسىم بويىنشا قالعان سوما 300 ملن.دوللارى 10 جىل ىشىندە - 2016 جىلدان باستاپ 2025 جىلعا دەيىن - جىلىنا 30 ملن.دوللارىن قۇرايتىن بولادى.

ال 2017 جىلعى 20 ماۋسىمدا المازبەك اتامبايەۆتىڭ رەسەيگە ساپارى بارىسىندا 2012 جىلدان بەرگى رەسەي فەدەراسياسىنىڭ الدىنداعى بەرەشەگىن رەتتەۋ تۋرالى كەلىسىم حاتتاماسىنا قول قويىلدى. حاتتامانى بەكىتۋ قارىزدى ەرتەرەك جانە دەرەۋ قىسقارتۋعا مۇمكىندىك بەرەدى. وسىلايشا، قىرعىزستاننىڭ رەسەي فەدەراسياسىنا اعىمداعى قارىزى جويىلادى.

قارجى مينيسترلىگىندە اتاپ كورسەتىلگەندەي، 240 ملن. اقش دوللارى كولەمىندەگى ءبىرجولعى قارىزدى ەسەپتەن شىعارۋ سىرتقى مەملەكەتتىك قارىزدىڭ ءجىو-نىڭ دەڭگەيىن 3،8% -عا تومەندەتەدى. كەلىسىمنىڭ كۇشىنە ەنۋى ءۇشىن ىشكى راسىمدەردى وتكىزۋ قاجەت.