Street View كوشەلەردى ءتۇسىرۋ فۋنكسياسى فرانسيانىڭ نانسي قالاسىندا تۇرعىن ۇيلەردىڭ ءبىرىنىڭ الدىندا بەلگىسىز تىرىشىلىك يەسىن ءتۇسىرىپ العان دەپ جازادى لەنتا.رۋ. بۇل سۋرەت جەلىدە تارالىپ حالىقتى شۋلاتىپ، شوشىتقان. قولدانۋشىلاردىڭ كوپشىلىگى ارىزدانعان سوڭ بۇل بەلگىسىز تىرشىلىك يەسى بەينەلەنگەن فوتونى Google الىپ تاستاعان.
ۇزىن شاشتى ءۇي قوناعىنىڭ سۋرەتى Street View اۆتوماتتى كامەراسىمەن جاسالعان. فرانسيانىڭ سولتۇستىك-شىعىسىندا ورنالاسقان نانسي قالاسىندا ءۇي الدىندا ۆەلوسيپەد جانىندا ۇزىن بويلى قوڭىر فيگۋرانى كورۋگە بولادى. كوزدەرى ۇلكەن، ۇزىن شاشتى تىرشىلىك يەسىنىڭ كامەراعا تىكە قاراپ تۇرعانىن كورۋگە بولادى.
قولدانۋشىلار بۇل فوتودان وزگە عالامشارلىقتى نەمەسە جىندى كورگەندەرىن ايتقان.
بالكىم، بۇل فيگۋرانى سالت-جوراعا سۇيەنىپ نەمەسە جاي عانا ادامداردى قورقىتۋ ءۇشىن ءۇي يەلەرى جاساعان دا بولار.
