قازگيدرومەت 14-16 قازان دەمالىس كۇندەرىنە اۋا رايى بولجامىن جاريا ەتتى، دەپ Qamshy.kz اقپارات اگەنتتىگى حابارلايدى.
«قازاقستان تەرريتورياسىنا جىلى جانە جاۋىن-شاشىنسىز اۋا رايىن اكەلگەن انتيسيكلون ءوتىپ بارادى. ونىڭ سوڭىنان باتىس وڭىردەن اتموسفەرلىق اعىندار كەلەدى جانە شىعىسقا قاراي جىلجۋ كەزىندە كەي جەرلەردە جاڭبىر جاۋادى»، - دەلىنگەن حابارلامادا. تروپوسفەرادا وڭتۇستىك-باتىس اعىنداردىڭ جانە تاياۋ شىعىس اۋداندارىنان اۋا ماسسالارىنىڭ كەلۋى ساقتالادى، سول سەبەپتەن اعىنداردىڭ وتۋىنە بايلانىستى تەمپەراتۋرانىڭ كۇرت تومەندەۋى كۇتىلمەيدى، دەپ ءمالىم ەتتى سينوپتيكتەر.
