مەشىتتىڭ ىشكى ءتارتىبىن بۇزعان ازاماتقا سوت ءدىني ارەكەتتەرگە كەدەرگى جاساعانى ءۇشىن ايىپپۇل سالدى، دەپ حابارلايدى Qamshy.kz اقپارات اگەنتتىگى.

شىعىس قازاقستان وبلىسى ءۇرجار اۋدانىنىڭ تۇرعىنى شولپان اۋىلىنداعى مەشىتكە كەلىپ، باس يمامعا شاعىمدانۋىن باستاعان. 48 جاستاعى بەلگىسىز ەر ادام مەشىتتىڭ ىشكى ءتارتىبىنىڭ دۇرىس ەمەس ەكەنىن جانە وقىلعان دۇعالاردى قاتە دەپ كورسەتەدى. ءتارتىپ بۇزۋشىنى سابىرعا شاقىرۋ ارەكەتتەرى جاسالعانىمەن، ءساتتى بولمادى. وسىعان بايلانىستى ءۇرجار اۋداندىق سوتى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 490-بابىنىڭ 2-بولىگىندە «زاڭدى ءدىني قىزمەتكە كەدەرگى كەلتىرۋ» بويىنشا اكىمشىلىك ءىس قوزعادى.

سوت بارىسىندا ايىپتالۋشى ءوزىنىڭ كىناسىن مويىندامادى. ال باس يمام ءوز جۇمىسىندا قازاقستان مۇسىلماندارى ءدىني باسقارماسىنىڭ كەڭەسى ماقۇلداعان مەشىتتىڭ ىشكى ەرەجەلەرىن باسشىلىققا العانىن ءتۇسىندىرىپ باقتى. سونىمەن قاتار، يمام ءتارتىپ بۇزۋشى ازاماتتىڭ ەرەجەسىن ساقتاماي، وزدىگىنەن ناماز وقىپ جاتقانىن دا ايتىپ وتكەن.

سوتتىڭ شەشىمى بويىنشا ءۇرجارلىق ايىپتالۋشى كىنالى دەپ تانىلىپ، 50 اەك (113،450 تەڭگە)