جەلتوقسان ايىندا قىتايدىڭ گۋانچجوۋ قالاسىندا ديماش قۇدايبەرگەننىڭ جەكە كونسەرتى وتەدى. وعان ءانشىنىڭ قازاقستانداعى، ونىڭ ىشىندە اقتوبەدەگى فاناتتارى دا بارۋى مۇمكىن، دەپ Qamshy.kz اقپارات اگەنتتىگى Aktobenews.kz سايتىنا سىلتەمە جاساپ حابارلايدى.
ديماشتىڭ اناسى سۆەتلانا ايتبايەۆانىڭ ايتۋىنشا، جەلتوقسان ايىنىڭ ورتاسىندا گۋانچجوۋ قالاسىندا ديماشتىڭ «باستاۋ» اتتى ۇلكەن جەكە كونسەرتى وتەدى.
«گۋانچجوۋداعى كونسەرتتەن كەيىن ديماش لوس-اندجەلەستە ستاجيروۆكادان ءوتۋى كەرەك. بالانىڭ وقۋدى ءساتتى اياقتاپ، ديپلوم العانىن كۇتىپ ءجۇرمىز. سوندىقتان ازىرگە وزگە كونسەرتتەرمەن ديماشتىڭ كوڭىلىن الاڭداتقىمىز كەلمەيدى»، — دەدى سۆەتلانا ايتبايەۆا.
ءانشىنىڭ ميرا ەسىمدى اقتوبەلىك فاناتىنىڭ ايتۋىنشا، قازىرگى تاڭدا قازاقستانداعى بارلىق فان-قوزعالىستار قىتايعا بارىپ-قايتۋدى ويلاستىرىپ جاتىر.
«ارينە، جول ۇزاق. دەگەنمەن، ديماشتىڭ ونداعى كونسەرتىن كورگىسى كەلەتىندەر از ەمەس»، — دەدى ول.
