الماتى قالاسىنىڭ ءبىر توپ زيالى قاۋىم وكىلدەرى مەملەكەتتىك ءتىلدىڭ لاتىن الىپبيىنە كوشۋى جايلى ءوز پىكىرلەرىن ءبىلدىردى، دەپ حابارلايدى Qamshy.kz اقپارات اگەنتتىگى.

«مەن ءوزىم 1940 جىلى تۋعانمىن، تۋۋ تۋرالى كۋالىگىمدە ءاتى-جونىم لاتىن الىپبيىمەن جازىلعان. وعان كوشۋدىڭ ساياسي، مادەني جانە تاريحي ماڭىزى زور. بۇل – جاڭعىرۋدىڭ ۇلكەن ءبىر باستاۋى، ۇلتتىق قۇندىلىعىمىزدى نىق بەكىتەتىن قادام. بۇل – ءبىزدىڭ ءتول ءالىپبيىمىز»، - دەيدى ەڭبەك ارداگەرى اسىلمۇرات تۇرعانبەكوۆ. ق ر ءبىرىنشى ءانۇرانىنىڭ اۆتورى، جازۋشى جادىرا دارىبايەۆا دا ەكى نەمەسە ءۇش ارىپتەن ءبىر دىبىس بەرۋدىڭ قيىن سوعاتىنىن، ءوز باستاۋىمىزدى ساقتاي وتىرىپ ءبىر دىبىستان ءبىر ءارىپ شىعارۋ قاجەتتىگىن باسا ايتتى.

پروفەسسور، فيلولوگيا عىلىمدارىنىڭ دوكتورى ايگۇل ءىسماقوۆا دا قوعامدا قىزۋ تالقىعا تۇسكەن قازاق ءتىلىنىڭ جاڭا ءالىپبيى تۋرالى ءوز پىكىرىن ءبىلدىردى. «ەلباسىمەن كەزدەسكەن عالىمدار ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ دايىنداعان جوباسىن ۇسىندى. بۇدان بۇرىن ۇسىنعان 25 ارىپتەن تۇراتىن 3 تاڭبالى ءالىپبي قيىنداۋ بولىپ كەلسە، كەيىن ۇسىنعان نۇسقا ەڭ قولايلى جانە كوپشىلىكتىڭ ويىنان شىعادى. عالىم رەتىندە بۇل وزگەرىستى تولىعىمەن قولدايمىن»، - دەيدى ول. ەسكە سالا كەتسەك، 9 قازان كۇنى مەملەكەت باسشىسى نۇرسۇلتان نازاربايەۆ مەملەكەتتىك ءتىلدى لاتىن الىپبيىنە كوشىرۋ جوباسى بويىنشا جۇمىس توبى مۇشەلەرىن قابىلدادى. جيىندا مەملەكەت باسشىسىنا قوعامدىق تالقىلاۋلار بارىسىندا كەلىپ تۇسكەن ۇسىنىستاردى ەسكەرە وتىرىپ ازىرلەنگەن قازاق ءتىلىنىڭ لاتىن قارپىنە نەگىزدەلگەن ءبىرىڭعاي ستاندارتىنىڭ جوباسى ۇسىنىلدى.