ەرتەڭ قىرعىزستان حالقى جاڭا پرەزيدەنتىن سايلايدى.  سوعان بايلانىستى ومىربەك بابانوۆ قىرعىز حالقىمەن كەزدەستى دەپ حابارلايدى Qamshy.kz اقپارات اگەنتتىگى.

بابانوۆتىڭ قىرعىز حالقىمەن كەزدەسكەنى الەۋمەتتىك جەلىدە تاراپ كەتتى. الاڭعا جينالعان حالىق وتە كوپ. جينالعان حالىقتىڭ الدىندا ومىربەك بابانوۆ «التىنداي ەلىم، التىنشى ءنومىردى تاڭدايدى»،- دەدى. 

ءقازىر وندا سايلاۋ الدى ناۋقانىنىڭ ناعىز قىزعان شاعى. مەملەكەت باسشىسى بولۋعا باستى 10  ۇمىتكەر قاتىسادى. داۋىس بەرۋ رەسپۋبليكا بويىنشا ەرتەڭ تاڭەرتەڭگى ساعات 8-دەن 20:00-گە دەيىن جۇرگىزىلەدى. 

ومىربەك بابانوۆ 1970 جىلى 20 مامىردا قىرعىزستاننىڭ تالاس وبلىسىندا دۇنيەگە كەلگەن. ساياساتكەر جانە مەملەكەت قايراتكەرى. «رەسپۋبليكا-اتا جۇرت» ساياسي پارتياسىنىڭ جانە پارلامەنتتىك فراكسياسىنىڭ ليدەرى.

2011 جىلدىڭ 23 جەلتوقسانى مەن 2012 جىلدىڭ 1 قىركۇيەگى ارالىعىندا كىرعىزستان ۇكىمەتىن باسقاردى. المازبەك اتامبايەۆ پرەزيدەنتتىك ناۋقانعا قاتىسقاندىقتان، 2011 جىلدىڭ 23 قىركۇيەگى مەن 11 قاراشاسى ارالىعىندا، سونداي-اق 2011 جىلدىڭ 1-23 جەلتوقسانى ارالىعىندا پرەمەر-مينيستر مىندەتىن اتقاردى.

2015 جىلدىڭ قازانىنان بەرى – قىرعىز رەسپۋبليكاسى جوعارعى كەڭەس دەپۋتاتى، «رەسپۋبليكا-اتا جۇرت» پارلامەنتتىك فراكسياسىنىڭ ليدەرى.

ەسكە سالا كەتەيىك، نازاربايەۆتىڭ بابانوۆپەن كەزدەسكەن بولاتىن. ءو.بابانوۆ قىرعىز حالقى نۇرسۇلتان نازاربايەۆتىڭ بىتىمگەرلىك جولىنداعى كۇش-جىگەرىن جوعارى باعالاپ، ونى قولدايتىنىن اتاپ ءوتتى.