اتىراۋ وبلىسىنىڭ پروكۋرورى ەرنات سىبانقۇلوۆتىڭ حابارلاۋىنشا، 13 قازاندا وبلىس پروكۋراتۋراسىنىڭ ۇيلەستىرۋىمەن وبلىستىق ۇقكد-نىڭ قىزمەتكەرلەرىمەن «قازاۆتوجول ۇك» اق-نىڭ اوف قىزمەتكەرى ۇستالدى.

وبلىس پروكۋرورىنىڭ مالىمدەۋىنشە، 28 قىركۇيەكتە  وبلىستىق ۇقكد-نە بەلگىسىز ازامات مەملەكەتتىك ساتىپ الۋ بويىنشا كونكۋرستى ۇتقان كومپانياسىمەن وبلىستىڭ اۆتوجولدارىن جوندەۋ جۇمىستارىن جۇزەگە اسىرۋ بارىسىندا ءارتۇرلى ارەكەت نەمەسە ارەكەتسىزدىك جاساۋ ءۇشىن «قازاۆتوجولدىڭ» لاۋازىمدى تۇلعالارى تاراپىنان اقشا قاراجاتتارىن سۇراۋ فاكتىلەرى تۋرالى شاعىمدانعان.

وبلىس پروكۋراتۋراسىمەن جاسىرىن تەرگەۋ ارەكەتتەرىنە بىردەن سانكسيا بەرىلىپ، ناتيجەسىندە فاكتىلەر راستالدى، ورىندالعان جۇمىس اكتىسىنە قول قويۋ ءۇشىن مەردىگەر كومپانيادان دەلدال ارقىلى ءىرى كولەمدە 73 300 اقش دوللارىن الۋ كەزىندە ۇقكد-نىڭ قىزمەتكەرلەرىمەن «قازاۆتوجول ۇك» اق-نىڭ اوف ءبولىم باسشىسى ۇستالدى. 

ۇلتتىق كومپانيانىڭ لاۋازىمدى تۇلعالارى كەلىسىم شارتتارعا قول قويعان سوڭ، مەردىگەر كومپانيانىڭ باسشىلىعىنان پارا تۇرىندە اقشا قاراجاتىن سۇراعان.

قازىرگى ۋاقىتتا كۇدىكتىلەر قپك-نىڭ 128 بابىنا ساي، اتىراۋ قالالىق ءىىب-نىڭ ۋاقىتشا ۇستاۋ يزولياتورىنا قاماۋعا الىنىپ، قىلمىستىق كودەكسىنىڭ 366 بابى، 4 بولىگىنە ساي (پارا الۋ) تەرگەپ، تەكسەرۋ جۇرگىزىلۋدە. قىلمىستىق ءىستىڭ تەرگەلۋى وبلىس پروكۋراتۋراسىنىڭ باقىلاۋىنا الىندى.

  ەرنات سىبانقۇلوۆ