ماسكەۋ ماڭىنداعى بالاحيشتە ورنالاسقان مەكتەپتەردىڭ بىرىندە ورىس ءتىلى ءپانى وقىتۋشىسى «ونو» اتتى قورقىنىشتى ءفيلمدى بالالارعا قوسىپ بەرگەنى ءۇشىن جۇمىستان قۋىلعان.
ستيۆەن كينگ كىتابىنىڭ جەلىسى بويىنشا تۇسىرىلگەن ءفيلمدى وقۋشىلاردىڭ نازارىنا ۇسىنعانى ءۇشىن ءمۇعالىمدى مەكتەپتەن شىعارىپ جىبەرگەن،-دەپ جازادى Qamshy.kz اقپارات اگەنتتىگى.
بالالاردىڭ ءوزى «ونو» ءفيلمىن كورسەتۋىن وتىنگەن سوڭ، ءمۇعالىم ولاردىڭ ايتقانىن ىستەگەن.
تەكسەرىستەر بارىسىندا ايعاقتار دالەلدەنىپ، ءمۇعالىم قىزمەتىنەن بوساتىلدى.
اندرەس مۋسكەتتيدىڭ ستيۆەن كينگ كىتابىنىڭ جەلىسى بويىنشا تۇسىرىلگەن فيلم دەرريدەگى مەن شتاتىندا تۇراتىن، وزدەرىن «جولى بولماعاندار كلۋبى» دەپ اتايتىن جەتى ءجاسوسپىرىم جايىندا. ولار جەرگىلىكتى ايماقتا باسقا بالالاردىڭ جەك كورىنىشىن، مازاعىن وياتقاندار. ولار وتە قاتتى قورقاتىن قورقىنىشتارىنىڭ شىنايىلىققا اينالعانىن دا كورگەن. ول قورقىنىشتار «ونو» دەپ اتالاتىن، كەلبەتىن وزگەرتە بەرەتىن، اتى اڭىزعا اينالعان جىرتقىش ارقىلى كورىنەدى.
بۇل فيلم كۇللى الەمدىك قورقىنىشتى فيلمدەر اراسىنداعى ەڭ ءوتىمدىسى، $500 ميلليوننان استام قارجى اكەلگەن تۋىندى.
